Yahweh టాప్ టెన్

ఎన్నుకొనబడిన పురుషులకు, స్త్రీలకు బహుమానముగా ఇవ్వబడిన నూతన మనస్సు యొక్క సంపూర్ణతను నీవు అర్థము చేసికొనినట్లయితే, ఆ విమోచన స్థానము వరకు మనమందరము "స్వయం" (అహం) చేత ఏలబడు మన మనస్సులలో బందీలుగా ఉంటిమని నీవు గుర్తించెదవు. ఈ గ్రహింపును నీవు అనుభవించునప్పుడు ఆ చెరసాల నుండి తొలి విడుదల లభించును; "అరె, నాకేదో జరిగినది; మొదటిసారిగా Yahweh కొరకు, మరియు ఆయన కుమారుడైన Yahshua తన రక్తమును ఎందుకు చిందించవలసి వచ్చెనో అను అవగాహన కొరకు నాలో తీవ్రమైన అవసరము కలిగినది."

ఇదియే ద్వితీయోపదేశకాండము 30 అధ్యాయము యొక్క సంపూర్ణ ప్రభావము: సున్నతి పొందిన హృదయము (మనస్సు)తో ఆయన స్వరమునకు విధేయత చూపుము; జీవమును ఎన్నుకొనుము; మరియు ఆయన ఆశీర్వాదములలో వర్ధిల్లుము. దీనిని పూర్తిగా చదువుము, అయినను, జాగ్రత్తగా ఉండుము. మన అంతరంగపు చెరసాల నుండి తొలి విడుదల కేవలం మొదటి ఊచల సమూహము మాత్రమే. సంపూర్ణ ఫలితము రక్షింపబడిన మనస్సు (రక్షణ). క్రియాశీల మరియు ఉపచేతన ఆలోచనా ప్రక్రియల లోపల నుండి శరీరసంబంధమైన "స్వయం" యొక్క ప్రతి పొర తీసివేయబడుటకు ఇంకా చాలా పని మిగిలియున్నది.

మరియు అటుల పాతదానిని విడిచిపెట్టుచు, నీవు నూతన సృష్టివని (2 కొరింథీయులకు 5:17) గ్రహించుచు, బహుశా ఈ పది మెట్లు స్వస్థత ప్రక్రియకు సహాయపడవచ్చును. స్వస్థత ప్రక్రియనా? అవును, నమ్ముము. "స్వయం" తగ్గుచు నీలోని మెస్సీయ వృద్ధి చెందుచుండగా (యోహాను 3:30), ప్రతి ప్రక్రియ మెల్లగా వేరూనుకొననిమ్ము.

వీటిని ధ్యానించి వాటిని అమలుపరచనిమ్ము: 1. తండ్రి, కుమారుడు మరియు రూహా (ఆత్మ) యొక్క మహిమను గూర్చి నీ ఆత్మలో బిగ్గరగా ఘోషించుము; 2. ఆయన వాటిని నీలో ముద్రించువరకు ప్రేమను ఆనందమును అభ్యసించుము; 3. కొంతకాలము లోకము నుండి వేరుగా ఉండుము, అవసరమైనప్పుడు దీనిని పునరావృతము చేయుము; 4. మెస్సీయ కన్నుల ద్వారా ప్రతి విషయమును స్వీకరించి దాని మాధుర్యమును చూడుము; 5. క్రొత్తగా లభించిన స్వాతంత్ర్యము మొదటి ముప్పది దినములలో ఎట్టి పెద్ద నిర్ణయములు తీసుకొనవద్దు; 6. Yahweh అనుమతి లేకుండా ఎన్నడును నిర్ణయము తీసుకొనవద్దు; 7. (వర్తించునప్పుడు) భార్యాభర్తల ఉభయుల ఆలోచన లేకుండా నిర్ణయము తీసుకొనవద్దు; 8. ఎల్లప్పుడూ నీ చుట్టూ ఉన్నవారిలో నీతిమంతమైన సూత్రములను ముద్రించుము; 9. అవసరమైన ప్రతి వ్యక్తిని, ప్రతి విషయమును Yahweh పునరుద్ధరించునని నమ్ముము; 10. జ్ఞాపకముంచుకొనుము! తండ్రి, కుమారుడు మరియు ఆత్మ నీకు ఎవరో, మరియు జీవితములో నీవు ఎదుర్కొను ప్రతి విషయమునకు దాని అర్థమేమిటో జ్ఞాపకముంచుకొనుము.

ఇక ఊహించనవసరము లేదు! ఇక జీవితమును "అనుభూతి" ద్వారా గడుపనవసరము లేదు! ఇప్పుడు నీకు తెలియును మరియు నీవు జవాబుదారుడవు!

జీవమును మరణమును, ఆశీర్వాదమును శాపమును నీ ముందు ఉంచితినని, ఈ దినమున ఆకాశమును భూమిని నీకు విరోధముగా సాక్షులుగా పిలుచుచున్నాను; కావున నీవును నీ సంతానమును బ్రదుకునట్లు జీవమును ఎన్నుకొనుము. (ద్వితీయోపదేశకాండము 30:19)