పాలు విడిచిన బిడ్డ

మారుమనస్సు మరియు విశ్రాంతిలో నీ రక్షణ ఉంది; నిశ్శబ్దం మరియు నమ్మకంలో నీ బలం ఉంది, అయితే నీవు వాటిని అంగీకరించలేదు [v.15]… అయినప్పటికీ Yahweh నీ మీద కృప చూపడానికి ఆశపడుచున్నాడు; ఆయన నీపై కనికరం చూపడానికి లేస్తాడు. ఎందుకంటే Yahweh న్యాయమునకు సర్వశక్తిమంతుడు. ఆయన కొరకు కనిపెట్టుకొనువారు ధన్యులు [v. 18]. (యెషయా 30:15-18 చదువుము)

దేనిని అంగీకరించలేదు? 1. మారుమనస్సు: సమస్తమందు ఆయన సంరక్షణను సందేహించినందుకు, నిన్ను నీవు మరియు మనుష్యులను నమ్మినందుకు మారుమనస్సు పొంది క్షమాపణ అడుగుము. 2. విశ్రాంతి: యుద్ధం ఎల్లప్పుడూ Yahwehదే అని నమ్మి విశ్రాంతి తీసుకొనుము, పోరాడకుము, విశ్వాసము ద్వారా ఆయనలో విశ్రమించుము. 3. నిశ్శబ్దం: రక్షించువాడు Yahweh అయినట్లయితే, నిన్ను గురించి గాని మరి దేనిని గురించి గాని నీవు చేయు అతిశయోక్తి వ్యర్థమే. వినయము మరియు నిశ్శబ్దమైన ఆత్మ నీవు ఆయనకు అర్పించు ఫలము కావాలి. కావున, మౌనము వహించుము. 4. నమ్మకం: నీ విశ్వాసమును క్రియలో ఉంచి నమ్మకమును చూపుము. మనుష్యుని పట్ల భయము వలననో నమ్మకము వలననో ఏమియు చేయకపోవడం దీనిని రుజువు చేయును.

అవును, మారుమనస్సు, విశ్రాంతి, నిశ్శబ్దం మరియు నమ్మకంతో నడుచు బిడ్డ ఆతురతతో ఆయన కొరకు కనిపెట్టవచ్చు. ఇవి చేయువానిని నిశ్చయముగా మేలును కనికరమును వెంబడించును (కీర్తన 23:6). నీ నమ్మకత్వము రాబోవు నీ ఆశీర్వాదములకు అర్హతనిచ్చినదని తండ్రికి నీవు నిశ్చయముగా గుర్తుచేయగలవు. "ఆయన కొరకు కనిపెట్టుకొనువారు ధన్యులు."

అబ్బా, దావీదు దీనిని అత్యుత్తమముగా చెప్పాడు, ఈరోజు నేను కూడా ఆయన మాటలను నీకు అనుకరించాలని ఆశపడుచున్నాను; "నిశ్చయముగా నేను నా ఆత్మను శాంతింపజేసి నెమ్మది చేసికొంటిని, తల్లి రొమ్మున పాలు విడిచిన బిడ్డవలె; పాలు విడిచిన బిడ్డవలె నా లోపల నా ఆత్మ ఉన్నది." (కీర్తన 131:2)

దీని గురించి ప్రార్థించి వినుము. దీనిని మాటిమాటికి చేయుము. ఎన్నడును మానకుము.