अंतरंगातील शांती, बाहेर कृती

मीच तो नाही का जो तुला मार्गदर्शन करतो आणि तुझे रक्षण करतो? मीच तुझ्या जाण्या-येण्याची सेवा करण्यासाठी मलाकीम (मनाचे दूत) नेमले नाहीत का? (इब्रीकरांस पत्र 1:14) मला तुझ्याशी अगदी स्पष्ट बोलू दे. मी बाहेरील प्रत्येक गोष्टीवर काम करीन, तर तू आतल्या गोष्टीवर काम कर. "प्रथम शोध", असे माझ्या आत्म्याने तुला सांगितले आहे (मत्तय 6:33).

मी तुझा सर्वशक्तिमान पिता नाही का? तुझ्या सर्व शत्रूंना दूर फेकण्यासाठी माझा बलवान हात पुरेसा नाही का? तुझ्या वतीने प्रत्येक परिस्थितीचा परिणाम घडवून आणण्यास मी समर्थ नाही का?

माझे ऐक लेकरा! तुझे निर्णय; तुझी कृती; आणि परिणाम स्वतःच घडवण्यासाठी तू करत असलेल्या सर्व गोष्टी; या विश्वासाच्या अभावाचे पुरावे आहेत. नातेसंबंध, स्वप्ने, व्यावसायिक व्यवहार आणि तुझ्या जीवनातील सर्व परिस्थिती व प्रसंगांचे परिणाम नियंत्रित करण्याचा तुझा प्रयत्न इतका मोठ्याने ओरडतो की, "स्तब्ध राहा आणि जाण की मीच सर्वसमर्थ आहे" (स्तोत्रसंहिता 46:10) असे मी म्हणत असतानाही तुला ऐकू येत नाही.

तू किती लवकर कृती करतोस आणि प्रतिक्रिया देतोस. "कृपया हे (जे काही 'हे' असेल ते) योग्य ठिकाणी पडू दे", असे तू माझ्याकडून माझी इच्छा शोधण्याआधीच मला विनवतोस. सर्व आशा, सर्व प्रयत्न, "माणसाचे सर्व श्रम त्याच्या तोंडासाठी आहेत, तरीही जीव तृप्त होत नाही." (उपदेशक 6:7)

तुझ्यासाठी आणखी एक अपरिवर्तनीय नमुना येथे आहे. नीट ऐक! मी बाहेरील परिस्थितींवर काम करीन; तू आतल्या गोष्टीवर काम कर. मला समक्रमण हवे आहे. जर तुझा विश्वास असेल की सर्व गोष्टी माझ्या नियंत्रणात आहेत, तर तुझे फक्त एकच कर्तव्य आहे. मी तुला कुठे नेत आहे ते शोधून काढ आणि माझे अनुसरण कर.

मी अंतरंगातील शांतीबद्दल बोलत आहे, तुझ्या सर्व निर्णयांतील शांतीबद्दल. मी तुला येणाऱ्या सर्व गोष्टी सांगणार नाही का (योहान 16:13)? मी असा माणूस आहे का की मी खोटे बोलेन? आपल्यामधली भाषा अंतरंगातील शांती असू दे.

भूतकाळात तू माझ्याशिवाय किती लवकर पळून गेलास. जेव्हा तू स्वतःच पुढे धावतोस, तेव्हा तू खरे तर माझ्यापासून भटकतच जातोस. तुझ्या जीवनातील सर्व चांगल्या गोष्टींचा स्रोत मीच आहे. तुझ्या सर्व इच्छांची उत्तरे माझ्याकडे आहेत. समक्रमण! सावकाश हो आणि मार्गदर्शनासाठी ऐक. माझा आवाज ऐकल्यानंतरच तू कृती करावीस. जेव्हा तुला माझी शांती मिळेल, तेव्हाच तू जायला हवेस.