నీవు వదిలివేయగానే

ఓ నా బిడ్డా. నేను నీతో సత్యమును చెప్పినయెడల నీవు నన్ను నమ్మెదవా? నేను సత్యమునే పలుకుదునని నీవు నమ్మవా? "అవును" అని నీవు ఎంత త్వరగా చెప్పుదువో, అయితే నీ పాపము వేరొకటి చెప్పును. నీకు అర్థమగుచున్నదా?

నేను నీకిచ్చిన సత్యముకంటే వేరుగా నీవు చేయునప్పుడే నీ పాపము ఉద్భవించును, ఇది నీ అవిశ్వాసమునకు, నేను సత్యమునే పలుకుదునను దానిపై నీ సందేహమునకు రుజువు. దీనికి, సమస్త పాపమునకు, ఔషధము నీలోనే ఉన్నది. బాహ్య పరిష్కారములు లేవు; బయటినుండి ఏదియు సహాయపడలేదు. సమస్త పాపము హృదయపు (మనస్సు) సమస్యయే.

నీవు ఇప్పటికే నూటికి నూరుపాళ్లు సంపూర్ణుడవనియు, సంపూర్ణ ఆనందములోను సంపూర్ణ సమాధానములోను సంపూర్ణ తృప్తిలోను పరిపూర్ణుడవనియు నేను నీతో చెప్పితినేని నీవు నన్ను నమ్మెదవా? నేను చూచునది నీవు చూడగలిగినయెడల, నీవు నిశ్చయముగా సంతోషించెదవు. వచ్చి చూడగోరుచున్నావా? నీవు ఖచ్చితమేనా?

తలుపుకు తాళపుచెవి ఇదిగో. వదిలివేయుము. వదిలివేయుము! ఇది నిజముగా సులభము. జ్ఞాపకముంచుకొనుము, నేను సత్యమునే పలుకుదును. ఇది సులభము, కావున నెమ్మది చెందుము.

నా కాడిని మీపైకి ఎత్తికొని నా యొద్ద నేర్చుకొనుడి, ఏలయనగా నేను సాత్వికుడను [సాధువును] హృదయమందు వినయముగలవాడను [దీనుడను], మీ ఆత్మలకు విశ్రాంతి [ఉపశమనము, సౌలభ్యము, పునరుత్తేజము, పునఃసృష్టి మరియు ధన్యమైన నిశ్శబ్దము] దొరకును. ఏలయనగా నా కాడి మేలైనది [ప్రయోజనకరమైనది, మంచిది—కఠినమైనది, భారమైనది, పదునైనది లేక వత్తిడిచేయునది కాదు, బదులుగా సౌకర్యవంతమైనది, కృపాపూర్వకమైనది, ఆహ్లాదకరమైనది], నా భారము తేలికైనదియు మోయుటకు సులభమైనదియునై యున్నది. (మత్తయి 11:29-30)

ఇప్పుడు నిశ్శబ్దముగా నిలిచి వినుము. నీ కోపము ఒక ఎంపిక; నీ ఆగ్రహము ఒక ఎంపిక; నీ చేదు మనస్సు ఒక ఎంపిక; నీ క్షమింపకుండుట ఒక ఎంపిక; నీ స్వనీతి ఒక ఎంపిక. "దీనికంతటికి జవాబు, సులభమైన జవాబు ఏమిటి," అని నీవు మొఱ్ఱపెట్టుదువా? వేరుగా ఎంచుకొనుము!

సిద్ధపరచువాడను నేనే. నేను నీకు నా కుమారుని ఇచ్చితిని; ఎన్నుకొను శక్తి ఇప్పుడు నీలోనే ఉన్నది. నీవు నన్ను నమ్ముదునని చెప్పితివి, కావున దానిని నేను మరల చెప్పుదును. ఎన్నుకొను శక్తిని నేను నీకు ఇచ్చితిని.

ఈ ఎంపిక మరణమువలె "అనిపించినను," అది వాస్తవముగా నీ మోసకరమైన భావనలచేత మారువేషము వేయబడిన జీవితమే. నన్ను వినుము. నా కుటుంబములో బాధితులు ఎవరును లేరు. మరల చెప్పుచున్నాను, నా కుటుంబములో బాధితులు ఎవరును లేరు!

నీ భారములన్నింటిని; నీ భయములన్నింటిని; నీ బాధలన్నింటిని; నీ గర్వమునంతటిని నాకు అప్పగింపుము. వాటిని నాతోనే విడిచిపెట్టుము. నీకు ఇక సాకులు లేవు. సమస్త పాపము అవిశ్వాసముగా పరిగణింపబడును. బుద్ధిగా ఎన్నుకొనుము, హెచ్చరించబడుము; నీవు నీంతట నీవు ఎంచుకొనకపోయినయెడల నేను నిన్ను మార్చెదను. అవును, నాకు అంతగా శ్రద్ధ కలదు.