నమ్మకమైన వినయము

వినయము, అవును. కపట వినయము, కాదు! సాత్వికత అనగా బలహీనతయని నీకు చెప్పినది ఎవరు? నీవు చేయని వాటికి క్షమాపణ కోరుట, లేక ప్రతివారును నిన్ను ఇష్టపడవలెనని నమ్ముట. వినయమనగా శారీరకముగా, ఆత్మీయముగా లేక భావోద్వేగపరముగా దుర్భర పరిస్థితులలో జీవించుటయని నీకు చెప్పినది ఎవరు? సాత్వికత శక్తిహీనత కాదు, వాస్తవముగా అది అదుపులో ఉన్న సంపూర్ణ శక్తి; నమ్మకమైన వినయము!

అదుపులో ఉన్న సంపూర్ణ శక్తిని మనుష్యునిగా జీవించి ప్రదర్శించినవాడు ఒకడు ఉండెను. దుర్వ్యవహారమా? Yahweh పట్ల నీ ప్రేమకు గుర్తుగా దుర్వ్యవహారమును సహింపవలెనని నుండి నీవు ఆశించబడుచున్నావని నీకు చెప్పినది ఎవరు? "అయితే Yahshua నీ పైవస్త్రమును అంగీను ఇమ్మని చెప్పెను. ఆయన తనపై ఉమ్మివేయుటకు కూడ వారిని అనుమతించెను, ఆయన వారిని క్షమించెను కూడా," అని నీవు చెప్పుదువు.

అవును, ఇది సరియైనదే, మరియు ఆయనను చంపుటకు వారు ప్రయత్నించినప్పుడు ఆయన అనేకసార్లు "వారి మధ్యనుండి మాయమయ్యెను" (లూకా 4:30; యోహాను 8:59). ఆయనకు "తన సమయము తెలిసియుండెను;" ఆయనకు అదుపులో ఉన్న సంపూర్ణ శక్తి ఉండెను.

జ్ఞానము సంపాదింపుము! వివేకము సంపాదింపుము! తండ్రికి లోబడు హృదయముతో (మనస్సుతో) చేయబడు ఏదైనను శక్తిమంతమైనదియు సరియైనదియు. మీ నిమిత్తము తప్ప, "తండ్రీ, వారిని క్షమింపుము…" అని చెప్పుచు మరెక్కడనైనను Yahshua క్షమాపణ కోరిన చోటు కనుగొనుము. ఆయన పాపరహితత్వము క్షమాపణ అవసరము లేకుండ చేసినది. పరిశుద్ధతకు ఎవరు క్షమాపణ కోరుదురు? అదియే ముఖ్యాంశము! Yahshua వలన అనేకులు నొచ్చుకొని, హింసింపబడి, గాయపడితిమని చెప్పుకొనిరి, అయితే ఆయనకు అంతకంటె బాగుగా తెలిసియుండెను. ఆయనకు అదుపులో ఉన్న సంపూర్ణ శక్తి ఉండెను.

కపట వినయము అభద్రతనుండి వచ్చును, అభద్రత తిరస్కారము నుండి వచ్చును. మరియు ఇది ఇట్లు కొనసాగుచునే ఉండును.

కొయ్యపై చంపబడుటను గూర్చి Yahshua, "తనయెదుట ఉంచబడిన సంతోషమును బట్టి" (హెబ్రీయులకు 12:2) సిగ్గును లక్ష్యపెట్టలేదు. తండ్రితో ఆయనకున్న సంబంధము, తనకు అప్పగింపబడిన సమస్తపు కీలకమును, తన మార్గములో అడ్డుగా నిలిచిన సమస్తమును ఆయన నిరంతరము జ్ఞాపకముంచుకొనునట్లు చేసినది. అనేకుల పాపముల నిమిత్తము Yahshua చనిపోవలెనని Yahweh చిత్తము. ఈ మరణమును నీకును నాకును అర్పించుట Yahwehకు గొప్ప సంతోషము కలిగించును (హెబ్రీయులకు 2:10). తన తండ్రి హృదయము Yahshuaకు తెలిసియుండెను, ఏలయనగా మనకొరకు బలియాగముగా ఉండుటయు ఆయనకు సంతోషమే.

అంతేకాదు, ఇటువంటి పాత్రలో నిస్సిగ్గు విధేయతతో తండ్రిని సేవించుట, తనను శత్రువులని పిలిచుకొనువారిపై కూడ ఆయనకు అధికారమును స్థాపించిననని ఆయనకు తెలిసియుండెను. వాస్తవానికి, ఆయనకు శత్రువులే ఉండకూడనంత ఔన్నత్యస్థానములో ఆయన ఉంచబడెను. ఆయనకు విరోధముగా వచ్చు ఎవరైనను, ఏదైనను, ఆయన అనుమతితోనే అట్లు చేయగలిగెను. ఏ సమయమునందైనను మలాకిము దండులను పిలిచుకొను సామర్థ్యము ఆయనకు ఉండెను, అయితే ఆయన ఎన్నడు అట్లు చేయలేదు (మత్తయి 26:53). ఆయనకు అదుపులో ఉన్న సంపూర్ణ శక్తి ఉండెను.

తాను వ్యవహరించు ప్రధానులను ఆయన ఎరిగియుండెను, మరియు తనకొరకు తండ్రి చేయగలిగినదానికంటే మనుష్యుడు తక్కువవాడని ఆయనకు తెలిసియుండెను. ఆయనకు ఏ సందేహము లేకుండెను. తనను చంపినవారిని, నిన్నును నన్నును, పూర్ణ హృదయముతో ఆయన క్షమించెను. ఆయన స్వస్థమైన మనస్సుతో దానిని చేసెను. ఏ ద్వేషమును లేకుండ ఆయన దానిని ఎన్నుకొనెను. ఆయనకు అదుపులో ఉన్న సంపూర్ణ శక్తి ఉండెను.

నీకు ఆచరణాత్మకముగా అర్థమగుటకు ఒక ఉదాహరణ ఇచ్చెదము. నీ ఉద్దేశము అట్టిది కానప్పటికి నీవు తనను నొప్పించితివని ఒకడు నీపై ఆరోపణ చేయును. తండ్రితో సన్నిహితముగా అనుసంధానమై, వినయమును అర్థము చేసికొను భద్రమైన వ్యక్తి ఇట్లు చెప్పవచ్చును. "నీవు తప్పుగా అర్థము చేసికొంటివని విచారించుచున్నాను. నిన్ను నొప్పించవలెననునది నా ఉద్దేశము కాదు. నా భావమేమిటో నేను వివరించవచ్చునా?" ఈ వ్యక్తి ఆ అపార్థము వలన కలత చెందడు, ఏ విధముగను హాని పొందడు. వారికి అది అక్కడనే ముగియును.

కపట వినయమును ప్రదర్శించు అభద్రతగల వ్యక్తి ఇట్లు మాటలాడవచ్చును. "వద్దు, వద్దు. క్షమించుము. చాలా క్షమించుము; నేను అట్లు ఉద్దేశించలేదు. దయచేసి నన్ను వివరించనిమ్ము."

తనను గుర్తించి అర్థము చేసికొనవలెననే వారి అవసరత ఇక వినయము కాదు, అభద్రతయే. తాము మరల "ఆమోదింపబడితిమి" అనిపించువరకు వారు నిరంతరము క్షమాపణ కోరుచునే ఉందురు. తీర్మానము వచ్చినట్లు అనిపించువరకు, అది ఎన్నడును రాకపోయినను, వారు దినములు వారములు ఆ భారమును మోయుదురు.

Yahwehయే నీ భద్రత! ఆయనకు సన్నిహితముగా జీవించుము, ఆయన నీ హృదయమును నిజమైన వినయముతో, అదుపులో ఉన్న సంపూర్ణ శక్తి యైన నమ్మకమైన వినయముతో నింపును.