నీవు వెదకినయెడల

"కావున నేను మీతో చెప్పునదేమనగా: అడుగుడి, మీకియ్యబడును; వెదకుడి, మీకు దొరకును; తట్టుడి, మీకు తీయబడును." (లూకా 11:9)

నా ఆజ్ఞలోని "నీవు" మరియు "అడుగు, వెదకు మరియు తట్టు" అను వాటిని నీవు అర్థము చేసికొనుచున్నావా? ఎన్నుకొనవలసిన ఎంపికను, విధానమును నీవు చూచుచున్నావా? "మరియు" అనునది, "అడుగుము మరియు; వెదకుము మరియు; తట్టుము మరియు" అనునది, ప్రయత్నము అవసరమని రుజువు చేయును. "నీవు" అనునది నీకొరకు మరెవరును దానిని చేయలేరని వెల్లడిచేయును, అబ్రాహాము కాదు; మోషే కాదు; పౌలు కాదు; నీవు మాత్రమే. ఈ ఆజ్ఞ అనేక రహస్యములను వెల్లడిచేయును.

ఆయనను కనుగొనవచ్చును. అవును, ఆయన కొన్నిసార్లు దాగియు ఉండవచ్చును. బహుశా ఆయన నీతో దాగుడుమూతలు ఆడుచున్నాడేమో. బహుశా ఆయన కావాలనే కొంతకాలము మాయమవుచున్నాడేమో. నిన్నటి భక్తినుండి, విలాపవాక్యములు 3:7-8ను మరల ఆలోచించుము:

ఆయన నేను తప్పించుకొనలేకుండ నన్ను గోడ కట్టి చుట్టివేసెను;
ఆయన నాపై బరువైన సంకెళ్లు వేసెను.
నిజముగా, నేను మొఱ్ఱపెట్టి సహాయము కొరకు కేకవేయునప్పుడు,
ఆయన నా ప్రార్థనను మూసివేసెను.

తన పిల్లల నుండి ప్రయత్నమును రాబట్టుకొనవలెనని కొన్నిసార్లు ఆయన దాగియుండును. ప్రయత్నము లేనిచో, ప్రత్యక్షత లేదు. అర్థమైనదా? సందేహము; భయము; సందిగ్ధత: ఇదంతయు నీ మనస్సులోనే ఉన్నది!

నీవు స్వస్థత పొందగోరుచున్నావా? ప్రతి రోగమునకు ఆయనే ఔషధము. నీవు ఎగరగోరుచున్నావా? నీ ఆశలన్నింటికి నీ కలలన్నింటికి ఆయనే జవాబు.

అవును, "వేడి లేక చల్లని" అను ఆటను ఆడు చిన్న పిల్లల వలె, నీవు వెదకుచున్నదానిని కనుగొనుటకు నీవు అడుగవలెను, వెదకవలెను, తట్టవలెను. ఆయన ఆత్మ నిన్ను పిలుచుచున్నది. ఆ గుసగుస నీకు వినబడుచున్నదా? "నీవు చల్లబడుచున్నావు; దిశ మార్చుకొనుము." "ఇప్పుడు నీవు వెచ్చనగుచున్నావు," అని ఆత్మ పిలుచుచున్నది. "వేడిగా, నీవు వేడిగా అవుచున్నావు," నీ ఇంద్రియములు ఇప్పుడు ఎదురుచూపుతో సజీవమగుచున్నవి!

నిస్సందేహముగా, ఆయన సహాయము చేయుటకే ఇక్కడ ఉన్నాడు, అయితే నీవు ప్రయత్నమును అందించవలెను. ఆయనను, ఆయన నీకొరకు ఉంచినదంతయు కనుగొనవలెనను నీ కోరికను ఆయన చూడవలెను. వెచ్చగా కాక చల్లగానో వేడిగానో లేకుండుట మంచి ఫలితము ఇయ్యదు (ప్రకటన గ్రంథము 3:16). నీవు ఆయన కొరకు వేడిగా ఉండవా? పౌలు మాటలు నీ జీవితముపై పతాకముగా నిలుచునా? "బ్రదుకుట [పరిశుద్ధ మనోభావమును పట్టుకొనుట] మెస్సీయ, చావుట [సమస్త "స్వయం" ఆశయమును విడిచిపెట్టుట] లాభము." (ఫిలిప్పీయులకు 1:21) ఆయన కనిపెట్టుకొని ఉన్నాడు.