ఎవనికి రుణపడి ఉన్నావు?

నీ ఆత్మ లోతుల్లో నిన్ను ఓదార్చేది సరిగ్గా ఇదే కాదా? మన నమూనా ప్రార్థనలో ఇది లేదా; "మేము మా ఋణస్థులను క్షమించినట్లు మా ఋణములు క్షమించుము?" (మత్తయి 6:12) ఋణము క్షమింపబడటమే బాధ, పశ్చాత్తాపము, అపరాధభావము, సిగ్గు తొలగింపు; సిలువ ప్రతి బాధ్యతను కప్పివేసింది. నీ ఆత్మను తిరిగి జీవానికి తెచ్చినది ఇదే; నిజమైన జీవము, విమోచింపబడిన జీవము.

అయినప్పటికీ కైసరు ట్రిలియన్ల డాలర్ల రుణభారాన్ని, అది పెరుగుతూనే ఉంది, నీ మనస్సులో, అందుకే నీ భుజాలపై పెట్టివేశాడు. ప్రతి క్రెడిట్ కార్డు బిల్లుతో, ప్రతి రుణంతో, ప్రతి పన్నుతో, ప్రతి సుంకంతో, "వస్తువులు మరియు సేవల" ప్రతి ధర పెరుగుదలతో, "ఆర్థిక వ్యవస్థ స్థితి" ప్రస్తావించే ప్రతి వార్తా నివేదికతో అది అక్కడ ఉంది. ప్రతి కొనుగోలుతో అక్షరాలా అది అక్కడ ఉంది.

అయితే, గందరగోళం ఉన్నచోట స్పష్టతను తీసుకురావడానికి Yahweh వాక్యాలు ఉద్దేశింపబడ్డాయి. నీ కాడిని సులభముగాను నీ బరువును తేలికగాను చేయడానికి అవి ఉద్దేశింపబడ్డాయి (మత్తయి 11:30). దాన్ని దృష్టిలో ఉంచుకుని, "కైసరువి కైసరుకు చెల్లించుము" అనే మాట అర్థం ఏమిటో మళ్ళీ కొత్తగా చూద్దాం. (మత్తయి 22:21)

అది "అమెరికానైజ్" చేయబడింది! "నాయకులు" అని తమను తాము గుర్తించుకునేవారు ఎవరైనా దేవుడు నియమించిన "పరిపాలనాధికారులు" అయి ఉండాలనే ఆలోచనకు నీవు ఒప్పుకున్నప్పుడు నీ మనస్సుకు జరిగింది ఇదే. తనలో తానే విభజింపబడిన యిల్లు నిలువలేకపోతే (లూకా 11:17), అన్ని ఋణాల నుండి నిన్ను స్వతంత్రుని చేయడానికి ముందుగా నిర్ణయించినవాడే, నీపై ట్రిలియన్ల "డాలర్ల" ఋణం మోపే అధికారులను ఎలా నియమిస్తాడు? నీవు "ప్రభువు" అని పిలిచేవానిలో ఏమాత్రమైనా మార్పు లేదా తిరుగుటవలన కలుగు నీడ ఉందా (యాకోబు 1:17)?

ప్రియమైనవాడా, Yahweh స్వరము విను: "నీ మీద ఋణం ఉంచువాడు దుష్టుడని నేను ప్రకటిస్తే (మత్త. 18: 32-33), నీ మీద, నీ పిల్లల పిల్లల మీద లెక్కలేనన్ని తరాలవరకు అధిగమింపరాని ఋణం మోపే నాయకులను నేను ఎన్నుకుంటానా?"

అయినప్పటికీ "కైసరువి కైసరుకు చెల్లించుము!" అంటే నీవు అతనికి రుణపడి ఉన్నావని అర్థమని నమ్మి కైసరు ఉచ్చులో నీవు ఎంత తేలికగా పడ్డావు. దానికి విరుద్ధంగా, కైసరు సృష్టించిన బాధ్యతల నుండి నీ మనస్సులో నీవు అనుభవించే భారము కైసరు భారమే. కాబట్టి, ఆయన ఆజ్ఞకు విధేయత చూపుతూ, కైసరువి కైసరుకు తిరిగి చెల్లించుము!

గమనిక: అమెరికా డాలర్లు నిజానికి "ఫెడరల్ రిజర్వ్ నోట్లు." "నోటు" నిజమైన డబ్బు కాదు; అది ఒక ఐ.ఓ.యు. ఋణ పత్రం. నీ పర్సులో నీవు ఋణాన్ని మోసుకుంటున్నావా?