బలిపీఠపు మొర

"గోపురమును కట్టవలెనని తలంచు మీలో ఎవడు దానిని ముగించుటకు తనకు చాలును అనుకొనుటకు ముందు కూర్చుండి ఖర్చును లెక్కింపడు?" (లూకా 14:28)

దీనిని ఆలోచింపుము: గోపురమనగా శరీరసంబంధమైన ఆలోచనలనుండి ఆత్మసంబంధమైనవాటికి తలంపుల విస్తరణ. కూర్చుండుటయనగా నీవు అడుగుపెట్టనున్నదానిని గూర్చిన ముందస్తు ధ్యానము. ఖర్చు అనునది నీ ఆత్మ, ప్రాణము, శరీరము మొత్తముయొక్క పరిశుద్ధపరచబడుటకంటే తక్కువదికాదు (1 థెస్సలొనీకయులకు 5:23). ముగించు సామర్థ్యమనగా, నీ "స్వీయము"ను హింసా స్తంభమునకు మేకులతో కొట్టుటకు అంగీకరించుటే. స్తంభమును తిరస్కరించువాడైనను, తన స్వంత ప్రాణమునుసహా సమస్తమును పూర్తిగా విడిచిపెట్టుటకు నిరాకరించువాడైనను ఆయనకు శిష్యుడు కాజాలడు (లూకా 14:26-27; 33).

ఇప్పుడు క్షమాపణను గూర్చిన సరైన దృక్కోణము అవసరమైయున్నది. ఈ ప్రశ్నను ఆలోచింపుము; "మరణించవలెనని తానే చెప్పినదానిని Yahweh ఎన్నడైనా ఎందుకు క్షమించును?" మరొక విధముగా చెప్పాలంటే, "తన ప్రాణమును పోగొట్టుకొనవలెనని ఆయన చెప్పు మనుష్యుని కొరకా ఆయన క్షమాపణ, లేక కేవలము తన కుమారుని కొరకు మాత్రమేనా?" ఇదిగో సూచన; "మెస్సీయయందు సర్వశక్తిమంతుడు మిమ్మును క్షమించినట్లు, మీరును ఒకరినొకరు దయతోను జాలితోను క్షమించుకొనుడి." (ఎఫెసీయులకు 4:32) Yahwehనుండి క్షమాపణ మనకు Yahshuaనందు మాత్రమే కలదు!

కావున, క్షమాపణ ఆయనయందు మాత్రమే నిలిచియున్నయెడల, "ఆధునిక 'బలిపీఠపు పిలుపు'" అను ఆచారము, ముందుకు రండని ప్రతి విన్నపము, కేవలము కాథలిక్ మతబోధన కొనసాగింపేనా అని మనము ప్రశ్నించుటకు ప్రారంభింపవలెను. ఇది కేవలం మెస్సీయను మరల మరల బలిగా (సాక్రమెంటుగా) అర్పించు మతసంబంధమైన మరల లేపబడిన నియమావళి మాత్రమేనా? ఇది నిన్ను చాలా అసౌకర్యముగా చేయవచ్చును, కాని దీనిగూర్చి నీవు ఏమి భావించుచున్నావన్నది ముఖ్యముకాదు. ముఖ్యమైనది సత్యమే!

శిష్యుడనని చెప్పుకొను ప్రతివానికిని సందేశమేమనగా, "నన్ను క్షమించుము" అని చెప్పుటకు ముందు ఖర్చును లెక్కింపుము. దీనికి సమస్తమును ఖర్చగును, క్షమాపణ Yahshuaనందు మాత్రమే ఉన్నది, ఆయనే నీ విశ్వాసమును అధికారపరచి పరిపూర్ణము చేయును. మునుపు నీవు విలువైనదిగా ఎంచినదంతటిలోని ప్రతి భాగము పూర్తిగా ముక్కలగుటను ఇది కోరును!

ఇప్పుడు, బలిపీఠమునొద్దకు వచ్చి పొందవలెనని ఎవరికి ఇష్టము? నీకు ఇష్టమేనా? అవును నిజముగా, నీవున్నట్లుగానే రమ్ము, కాని పగులగొట్టబడుటకును, మరల ఎన్నడును పూర్వమువలె కాకుండుటకును సిద్ధముగా ఉండుము. తన ప్రాణమును కాపాడుకొనువాడు దానిని పోగొట్టుకొనును, [ఆయన] నిమిత్తము తన ప్రాణమును పోగొట్టుకొనువాడు దానిని దక్కించుకొనును. (మత్తయి 10:39)

నీ పాపము నిన్ను శూన్యముగా నశింపజేయవలెనని కోరును. ఆధునిక దినపు బలిపీఠపు పిలుపు బలిపీఠపు మొరగా మారవలసిన సమయమిది. అవును, హెచ్చరిక అంగీకరించువాడు తన ప్రాణమును రక్షించుకొనును. (యెహెజ్కేలు 33:5) వారు నిజమైన కావలివాని మొరను వినుదురు. "బాకా ఊది ప్రజలను హెచ్చరించుము!" (యెహెజ్కేలు 33:1-9 చదువుము)