రాజు బల్ల మీద నుండి రొట్టెముక్కలు

అప్పుడు ఆమె వచ్చి ఆయనను ఆరాధించి, "యజమానా, నాకు సహాయం చేయుము!" అని చెప్పెను. అయితే ఆయన [Yahshua] జవాబిచ్చి, "పిల్లల రొట్టెను తీసి కుక్కలకు వేయుట మంచిది కాదు" అని చెప్పెను. అందుకామె, "నిజమే యజమానా, అయినను కుక్కలు కూడ తమ యజమానుల బల్లమీద నుండి పడు రొట్టెముక్కలను తినును గదా" అనెను. (మత్తయి 15:25-27)

ప్రియమైనవాడా, ఇదే ఆదర్శవంతమైన దృక్కోణం; ఇదే పరిపూర్ణంగా చూపబడిన విశ్వాసం. యజమాని యెదుట నీ స్థానం అనుకుంటే, వాస్తవానికి నీవు నాలుగుకాళ్ళ మీద ఉన్నావు అని గ్రహించడమే ఇది. ఈ స్త్రీ, ఆమెను తాకిన ఆయన ఆత్మ ద్వారా మాత్రమే, నిజమైన ఆత్మపరిశీలనతో Yahshua యెదుట వంగి, తనను గూర్చి నిజాయితీగల "స్వీయ" అంచనా వేయగలిగెను. తనకు తానే, ఆమె కుక్కకంటే మెంచిదిగాదు, ఆత్మసంబంధమైన కుంటిదాన్ని, బిచ్చగత్తెను అని భావించెను.

ఇది రాజు బల్ల యొద్దకు రాగలిగే అవకాశం కొరకు ఆరాటపడు మనస్సుతో మొదలవుతుంది, పరలోక రుచికరమైన పదార్థములు నీ ముందు వడ్డించబడు స్థలం అది. రాజు పాదముల యెదుట వంగుము, నాలుగుకాళ్ళపై ఉండుము, సాష్టాంగపడుము, ఆయన యెదుటికి వినయంగా రావడానికి అవసరమైనది ఏదైనా చేయుము, ఆయన బల్లయొద్ద తినడానికి ఏదైనా చేయుము. ఆమెకు, రొట్టెముక్కలు కేవలం అనుషంగిక మిగిలిపోయినవి కావు, అవి జీవితాన్ని రుచిచూచు ఆమె అవకాశం. రాజు బల్ల నుండి రొట్టెముక్కలు తినడానికి ఆమె సంతోషిస్తుంది, ఆ మిగిలినవాటిని ఆనందముగా భావించు కుక్కతో తనను పోల్చుకొనుటకు కూడా సిద్ధంగా ఉన్నది.

అప్పుడు Yahshua జవాబిచ్చి ఆమెతో, "ఓ స్త్రీ, నీ విశ్వాసము గొప్పది! నీ కోరిక చొప్పున నీకు అగుగాక…" (మత్తయి 15:28) "తినుము" అని ఆయన చెప్పెను. పరలోక రుచికరమైన పదార్థముల బల్లయొద్దకు రమ్ము, నీ విన్నపములన్నియు అనుగ్రహించబడును. Yahwehనుబట్టి ఆనందించుము; అప్పుడు ఆయన నీ హృదయకోరికలను నీకనుగ్రహించును. (కీర్తన 37:4)

ఆమెకైతే, అది తన కుమార్తె స్వస్థత (కనికరము మరియు సౌందర్యపు తలంపులు). నీకైతే అది ఏమిటి? నాలుగుకాళ్ళపై రావడానికి నీవు సిద్ధంగా ఉన్నావా? Yahweh యెదుట మిమ్మును మీరు తగ్గించుకొనుడి, అప్పుడాయన మిమ్మును హెచ్చించును. (యాకోబు 4:10) అప్పుడు బహుశా ఆయన నిన్ను రాజు బల్ల యొద్ద కూర్చుండుటకు ఆహ్వానించును.

మరి తన కాళ్ళలో కుంటివాడైన యోనాతాను కుమారుని సంగతి ఏమిటి? సౌలు కుమారుడైన యోనాతాను కుమారుడగు మెఫీబోషెతు దావీదునొద్దకు వచ్చినప్పుడు, అతడు సాష్టాంగపడి నమస్కరించెను. అప్పుడు దావీదు, "మెఫీబోషెతూ?" అని పలికెను. అతడు, "ఇదిగో నీ దాసుడను!" అని జవాబిచ్చెను. కాబట్టి దావీదు అతనితో, "భయపడకుము, నీ తండ్రియైన యోనాతాను నిమిత్తము నేను నీకు కృప చూపుదును, నీ తాత సౌలుయొక్క భూమినంతటిని నీకు మరల ఇచ్చెదను; నీవు నా బల్లయొద్ద నిత్యము భోజనము చేయుదువు" అని చెప్పెను. అప్పుడతడు వంగి, "చచ్చిన కుక్కవంటివాడనైన నన్ను చూచుటకు నీ దాసుడనైన నేనేపాటివాడను?" అనెను…"అయితే నీ యజమానుని కుమారుడైన మెఫీబోషెతు నా బల్లయొద్ద నిత్యము భోజనము చేయును"…"మెఫీబోషెతునుగూర్చి అనగా," రాజు చెప్పెను, "అతడు రాజకుమారులలో ఒకనివలె నా బల్లయొద్ద భోజనము చేయును"…కావున మెఫీబోషెతు యెరూషలేములో నివసించెను, ఏలయనగా అతడు నిత్యము రాజు బల్లయొద్ద భోజనము చేసెను. అతడు తన రెండు కాళ్ళలో కుంటివాడు. (2 సమూయేలు 9:1-13 నుండి భాగములు)

కుంటివాడు తన యెదుట వంగగా, ఆయన వానిని హెచ్చించి రాజు బల్లయొద్ద భోజనము చేయించుటయే Yahweh సంకల్పము. నీవు కూడా కుంటివానివలె ఆయన యెదుటికి వచ్చినయెడల, రాజు స్వంత బిడ్డలలో ఒకనివలె ఆయన బల్లయొద్ద నీకు స్థలము దొరకును. నీ కోరిక చొప్పున నీకు అగుగాక.