"సామాన్య" జ్ఞానము

సామాన్యము: విస్తృతముగా లేదా సాధారణముగా తెలిసినది; తరచుగా కనబడునది లేదా జరుగునది; ప్రబలముగా ఉన్నది; రివాజైనది; మామూలైనది; పరిచయమైనది; క్రమమైనది; తరచుగా జరుగునది; పునరావృతమగునది; నిత్యమైనది; సమానముగా చెందునది; లేదా చర్చలోనున్న ఇద్దరు లేదా అంతకంటే ఎక్కువమందిచే సమానముగా పంచుకోబడునది.

ఎవరైనా నీతో "సామాన్య జ్ఞానము ఉపయోగించు" అని చెప్పిన సందర్భము నీకు ఎప్పుడైనా ఉన్నదా? బహుశా నీవు ఇలా అడగవచ్చు; "దయచేసి, మనమడిగిన లేదా ఊహించినదానికంటే [ఆలోచించినదానికంటే] అపరిమితముగా ఎక్కువగా చేయగల విశ్వసృష్టికర్తతో, లోతైన రహస్యములను వెల్లడించగోరు ఒక సర్వాధిపతితో, నేను వ్యవహరించునప్పుడు సామాన్య జ్ఞానమును ఎలా అన్వయించాలో నాకు చూపించుము (ఎఫెసీయులకు 3:20)."

అయితే, [మానవ జ్ఞానమునకు] విరుద్ధముగా, లేఖనము చెప్పునట్లు, "కంటికి కనబడనిదియు, చెవికి వినబడనిదియు, మనుష్యుని హృదయములో [మనస్సులో] ప్రవేశింపనిదియు అగు [ఆ సమస్తమును], తనను ప్రేమించువారి [ఆయనను ఆప్యాయతతో గౌరవించి, వెంటనే విధేయత చూపి, ఆయన అనుగ్రహించిన మేళ్ళను కృతజ్ఞతతో గుర్తించువారి] కొరకు సర్వశక్తుడు సిద్ధపరచియున్నాడు [చేసి సిద్ధముగా ఉంచియున్నాడు]." అయితే మనకు మాత్రము Yahweh తన ఆత్మ ద్వారా వాటిని విప్పి వెల్లడించెను, ఏలయనగా ఆత్మ ప్రతిదానిని జాగ్రత్తగా పరిశోధించి, పరీక్షించి, Yahwehయొక్క లోతైన అడుగంటని సంగతులను సహితము [పరలోక ఆలోచనలను, మనిషి పరిశోధనకు అందని మరుగైనవాటిని] విప్పిచూపుచున్నది. (1 కొరింథీయులకు 2:9-10)

నీకు అర్థమగుచున్నదా; "సామాన్యము"కంటే మించి నీ కొరకు వేచియున్న లోతు నీకు కనిపించుచున్నదా? అడుగుటకంటే, ఊహించుటకంటే, మనిషి పరిశోధించు సామర్థ్యముకంటే మించిన సంగతులకు సామాన్య జ్ఞానమును ఎలా అన్వయిస్తారు? ఒక సంగతిని మరుగుపరచుట సర్వశక్తుని మహిమ; ఒక సంగతిని పరిశోధించుట రాజుల మహిమ. (సామెతలు 25:2) మీరు కుమారులు కుమార్తెలు అయినచో, రాజోచిత రక్తము మీ నరములలో ప్రవహించుచున్నది!

ప్రియమైనవాడా, తప్పుగా అర్థము చేసికొనవద్దు; సామాన్య జ్ఞానము దుష్టమైనది కాదు. ఆచరణాత్మకత ప్రవచనము, కలలు, దర్శనములంత లేఖనసంబంధమైనది కావచ్చు. Yahshua తన శిష్యులను ఐదువేలమందిని పోషించమని అడిగినప్పుడు, అది చాలా సామాన్యమైన అవసరము కొరకే. ఆయన శిష్యులు ఆయన యొద్దకు వచ్చి, "ఇది జనసంచారము లేని చోటు, వేళయు మించిపోయినది; జనసమూహములు గ్రామములలోనికి వెళ్ళి తమకొరకు ఆహారము కొనుక్కొనునట్లు వారిని పంపివేయుము" అనిరి. (మత్తయి 14:15) మరియు భూలోక పౌరులుగా, Yahshua నిర్దేశమునకు వారి ప్రతిస్పందన సామాన్య జ్ఞానములోనే వేళ్ళూనుకొనియుండెను. "ఇక్కడ మా యొద్ద అయిదు రొట్టెలును రెండు చేపలును తప్ప మరేమియు లేవు." (వ. 17)

అయితే యోహాను వృత్తాంతము, రాజ్యము గురించి Yahshua బోధించుచున్నదానిలోనికి మనకు ఒక దృష్టిని ఇచ్చును. ఫిలిప్పును గూర్చి మాటలాడుచు ఆయన ఇలా చెప్పెను, "అయితే ఆయన ఏమి చేయబోవుచున్నదో తానే యెరిగియుండి, అతనిని పరీక్షించుటకే ఇట్లు చెప్పెను." (యోహాను 6:6) సామాన్యమును రాజ్యములోనికి తీసుకురావడం అంటే ఏమిటో, మరో మాటలో, రాజ్యము సామాన్యమును ఆక్రమించినప్పుడు ఏమి జరుగునో తన అనుచరులకు చూపబోవుచున్నానని Yahshuaకు తెలియును.

శిష్యుల మధ్య "సామాన్య జ్ఞానము" అను ముద్ర రాజ్యము గురించిన వెల్లడికి తరచుగా తక్కువ చోటు ఇచ్చుటయే సమస్య. ఆస్వాల్డ్ ఛేంబర్స్ ఇలా బోధించెను, "యేసు క్రీస్తు చెప్పినదంతటిలో సామాన్య జ్ఞానమైనది ఏదియు లేదు, అది వెల్లడి జ్ఞానము, అది సంపూర్ణమైనది, సామాన్య జ్ఞానము మాత్రము వెనుకబడియుండును." మేము దీనిని స్పష్టము చేయుటకు జతచేయుదుము, "అడుగుటకంటే, ఊహించుటకంటే, మనిషి పరిశోధించు సామర్థ్యముకంటే మించిన సంగతుల గురించిన వెల్లడి కొరకు దాని ఉపయోగములో సామాన్య జ్ఞానము వెనుకబడియుండును." రాజోచితముగా ఉండు అధికారము నీకు Yahweh యొక్క లోతైన సంగతులను, సామాన్య జ్ఞానముకంటే మించిన సంగతులను వెదుకు హక్కులను ఇచ్చునది అక్కడనే. "ఆయనకు బోధించుటకు Yahweh మనస్సును ఎరిగినవాడెవడు? కాని మనకు మెస్సీయ మనస్సు కలదు." (1 కొరింథీయులకు 2:16)

ఆత్మసంబంధమైన మనిషికి సామాన్యమైనది ఏమిటి? పరిశోధించవలసిన తలంపులు ఇవే. భూమిపై కేవలం పరదేశులుగా (కీర్తనల గ్రంథము 39:12), నిజమైన పౌరసత్వము పరలోకమే అయిన (ఫిలిప్పీయులకు 3:20) ఆయన ప్రజలకు సామాన్యముగా ఉండవలసినది ఏమిటి? జనసమూహమును (మెజారిటీని) అనుసరించరాదని నిర్గమకాండము 23:2 హెచ్చరించుచున్నది. "ఆవలివైపు" ఉన్నదానిని సామాన్య జ్ఞానమునకు లోబరచు మనోభావములు నిశ్చయముగా మెజారిటీకి ఉన్నవి.

నీ కర్తవ్యము; రాజ్యపౌరుడవైన నీకు ఏది సామాన్యముగా ఉండవలెనో వెదుకుము. మనుష్యులలో సాధారణముగా అంగీకరింపబడినదానిని కనుగొని, దానికి వ్యతిరేక దిశలో వీలైనంత వేగముగా పరుగెత్తుటయే మంచి ఆరంభము. అయినను వారు లోబడకయు, చెవియొగ్గకయు, తమతమ దుష్టహృదయపు కల్పనప్రకారము ప్రతివాడును నడిచిరి. (యిర్మీయా 11:8)