అభ్యంతరపడనివాడు

"నీ ధర్మశాస్త్రమును ప్రేమించువారికి మహా సమాధానము కలదు, వారికి ఏదియు అభ్యంతరము [తొట్రుపడజేయునది; చిక్కులో పెట్టునది] కలుగనీయదు." (కీర్తనల గ్రంథము 119:165)

ఈ ప్రతిపాదనను ఒకసారి ఊహించుకో. విధేయతా మనోభావం ద్వారా వచ్చే మరో అతీంద్రియ మార్పిడి ఇది. ఆయన ధర్మశాస్త్రమును ప్రేమించు, నీకేదియు అభ్యంతరము కలుగనీయదు! ఆయన ఉపదేశములను, ఆజ్ఞలను, సాక్ష్యములను ప్రేమించు. (కీర్తనల గ్రంథము 119లోని 176 వచనములన్నిటినీ చదువు). ఆయన వాక్యమును ప్రేమించు, నీ మనస్సు ఎన్నడూ తొట్రుపడదు; ఆయన మార్గములకు విధేయత చూపు, నీకెప్పుడూ స్థిరత్వం సమతూకం ఉంటుంది.

Yahshua తన శిష్యులతో ఇలా చెప్పాడు, "అభ్యంతరములు [తొట్రుపడజేయు సవాళ్ళు] రాకుండుట అసాధ్యము… (లూకా 17:1) అభ్యంతరములు వస్తాయి! నీ సాక్ష్యమును పాడుచేయుటకు ప్రేరేపించు ఆ చికాకులు; తడబడునట్లు ఆకర్షించు ఆ విసుగులు తప్పకుండా వస్తాయి; నీ ప్రతిస్పందన మాత్రమే నీ చేతిలో ఉంటుంది.

అభ్యంతరమును మూలభాషలోని చిత్రణ ద్వారా ఉత్తమంగా వర్ణించవచ్చు. అది ఒక ఉరి లేదా వల యొక్క ట్రిగ్గర్; అనుమానం లేని బాధితునిపై వల మూసుకుపోయే యంత్రాంగం. ఒక్క నిమిషం! నీవు అభ్యంతరపడినప్పుడు చిక్కుకున్నది నీవేనా? సరిగ్గా చెప్పావు! నీవు అనుమానం లేని బాధితుడవు కానవసరం లేదు. ఈ వాగ్దానంపై నిలబడు; "సర్వశక్తుడైన Yahweh నాకు సహాయము చేయును; కావున నేను అవమానము పొందను; కావున నా ముఖమును చెకుముకిరాయివలె స్థిరపరచుకొంటిని, నేను సిగ్గుపడననియు నాకు తెలియును." (యెషయా 50:7).

ఇది చాలా అద్భుతంగా వినిపిస్తుందని ఖచ్చితం, కానీ ఈ పరలోకపు ప్రతిపాదనను నిజంగా ఆలోచించినవారికి కూడా ఇది చాలాసార్లు అసాధ్యంగా అనిపిస్తుంది. కాబట్టి ఇచ్చిన ఈ "మార్పిడి" గురించి ఏమిటి? ఏ పరిస్థితిలో నీవు ఇంత ధైర్యంగా, "ఆయన నాకు సహాయం చేయును; నేను సిగ్గుపడను" అని ప్రకటించగలవు? ఆశ్చర్యకరంగా, అది చాలా సులభమే. "సర్వశక్తుడైన Yahweh నా చెవి తెరచియున్నాడు; నేను తిరుగుబాటు చేయలేదు, వెనుకకు తిరుగలేదు." (వ. 5) ఆయన మాట్లాడతాడు, నీవు విధేయత చూపుతావు; అంతే సులభం!

అభ్యంతరపడని వాడవు కావడానికి నీవు అభ్యసించగలిగే అనేక అడుగులు ఇక్కడ ఉన్నాయి. వీటిని అభ్యంతరపడని వాడివి అయ్యేవరకు మళ్ళీమళ్ళీ చేయుము. తర్వాత వాటిని ఇతరులకు నేర్పుము:

మొదటి మెట్టు: లక్ష్యాన్ని గుర్తుంచుకో; నీవు కోస్తున్న ఫలాన్ని గుర్తించడం జ్ఞానయుక్తం. ఆత్మ ఫలము…సమాధానము. (గలతీయులకు 5:22) "…వారికి మహా సమాధానము కలదు" ఆపైన ఏదియు అభ్యంతరము కలుగనీయదు;

రెండవ మెట్టు: ఆయన ధర్మశాస్త్రమును ప్రేమించు; "…ధర్మశాస్త్రమును ప్రేమించువారికి మహా సమాధానము కలదు." ఇదే ఆ ఫలాన్ని తెరిచే తాళంచెవి. ధర్మశాస్త్రం Yahweh మనస్సు యొక్క నక్షా; అభ్యంతరపడలేని మనస్సుకు ద్వారము తెరచు తాళంచెవి అదే. ఆహా, నీ ధర్మశాస్త్రమును నేనెంతో ప్రేమించుచున్నాను! అది దినమెల్ల నా ధ్యానము; ద్విమనస్కులను నేను ద్వేషించుచున్నాను, కానీ నీ ధర్మశాస్త్రమును ప్రేమించుచున్నాను. (కీర్తనల గ్రంథము 119: 97, 113);

మూడవ మెట్టు: ఆయన ధర్మశాస్త్రమునకు విధేయత చూపు; అది Yahweh చిత్తమును బయలుపరచును. "నీవు ధర్మశాస్త్రమును ఆధారము చేసికొని సర్వశక్తుని బట్టి అతిశయపడి, ఆయన చిత్తమును తెలిసికొని, ధర్మశాస్త్రమువలన ఉపదేశము పొంది శ్రేష్ఠమైనవాటిని [ఉన్నతమైనవాటిని] వివేచించుచున్నావు." (రోమీయులకు 2:17-18) ఆయన చిత్తమును కోరుకోవడం నీవు ఆయనను అడిగేదానిని మారుస్తుంది; ఆయనొక్కడే నీ సంపూర్ణతగా మారతాడు. "Yahweh, నేను నిన్ను అన్నిటికంటె ఎక్కువగా ప్రేమించుటకు సహాయము చేయుము. నా సర్వశక్తిమంతుడా, నీ చిత్తము చేయుటలో నేను ఆనందించుచున్నాను; అవును, నీ ధర్మశాస్త్రము నా హృదయములో ఉన్నది," (కీర్తనల గ్రంథము 40:8) అనేది నీ ప్రార్థనగా మారుతుంది. విధేయతగల హృదయము నుండి పొంగిపొర్లే ఈ మొరపెట్టుకోవడం సమర్పింపబడిన చిత్తము యొక్క పరాకాష్ఠ. Yahweh నీకు సర్వస్వముగా మారేకొద్దీ, సర్వస్వము నీదిగా మారుతుంది. ప్రియమైనవాడా, నీవు సర్వస్వమును సొంతం చేసుకున్నప్పుడు, నిన్ను అభ్యంతరపరచగలిగేదేమి ఉంది?

నాలుగవ మెట్టు: ఆయనవలె ప్రేమించు; ప్రేమ అనేది "ద్విమనస్సు" కాక "రెండంచుల" విధేయతగల మనస్సు యొక్క ఫలము; ఆశీర్వాదాల, శాపముల ఆలోచనలను (అభ్యంతరమును పట్టుకొనుటను) ఏకకాలంలో ఉత్పత్తి చేయలేని మనస్సు. ఒక ఊటనుండి తియ్యనీళ్లును చేదునీళ్లును ఏక సమయమున ఊరునా? (యాకోబు 3:11) ఆత్మ ఫలము…ప్రేమ. (గలతీయులకు 5:22)

సర్వోన్నతుని రహస్యస్థలములో నివసించువాడు సర్వశక్తుని నీడలో విశ్రమించును. నేను Yahwehనుగూర్చి, "ఆయన నా ఆశ్రయము నా కోట; నేను నమ్ముకొను నా సర్వశక్తిమంతుడు" అని చెప్పుకొందును. వేటగాని ఉరిలోనుండియు నాశనకరమైన తెగులునుండియు నిశ్చయముగా ఆయన నిన్ను తప్పించును. తన రెక్కలతో ఆయన నిన్ను కప్పును. ఆయన రెక్కల క్రింద నీవు ఆశ్రయము పొందుదువు. ఆయన సత్యము నీకు కేడెము డాలును. (కీర్తనల గ్రంథము 91:1-4)

ఆయనే నీకు అవసరమైనదంతా అయినప్పుడు, "నాకు లేమి కలుగదు" అనే ఆజ్ఞను నీవు నెరవేర్చుదువు, ఏ ఉరియు ఇక ఎన్నడూ నిన్ను చిక్కించుకోదు!