మరొక వైపు

ఆదాము—ఏదోము—రక్తము చిందించుట—అహంకారము—సిగ్గుతో ఎర్రబారుట—సిగ్గుపడుట… లేఖనసంబంధ సందర్భములో ఇవి సమానార్థకములు. ఇవన్నియు తప్పు వృక్షమునుండి తినుటకు "ఎన్నుకొన్న" ఆదాము నుండియే పుట్టును, కావున అతని తరువాత వచ్చిన అందరికిని సమానార్థకములు, ఒక్కడు తప్ప.

రక్త బలుల గూర్చి నీవు చదువునపుడు ఉద్దేశింపబడినది ఏమిటో నీవు అర్థము చేసికొనుట అవసరము. బలి యొక్క కీలక అంశము ఎల్లప్పుడూ రక్తము చిందించుటనే గూర్చినది, మరియు ఇప్పుడు దీని అర్థము సిగ్గును చిందించుట కంటెను తక్కువదికాదని మనకు తెలియును. ఈ సిగ్గు నీ తీవ్రమైన, శరీరసంబంధమైన కోరిక వలననే కలుగుచున్నది, అనగా విధేయత చూపకుండా ఎన్నుకొను అవకాశము నీకు ఉన్నట్లు ప్రవర్తించుటకు.

"మొదటి మనుష్యుడైన ఆదాము జీవాత్మ ఆయెను." చివరి ఆదాము జీవదాయకమైన ఆత్మయాయెను. (1 కొరింథీయులకు 15:45) మొదటి ఆదాము అహంకారమును ఎన్నుకొనెను; చివరి ఆదాము పరిపూర్ణమైన బలియాయెను, ఏలయనగా తండ్రి క్షమింపదలచినవారికి జీవమును (ఆత్మ పునరుజ్జీవనమును) ఇచ్చుటకు ఆయన తన అహంకారమును (రక్తమును) చిందించుటకు ఎన్నుకొనెను.

నీవు లేఖనములను చదువు ప్రతిసారి పైన చెప్పబడిన మాటలను ఆదాముతో సమానార్థకములుగా చైతన్యముతో గుర్తించుటను అభ్యసించుట మంచిది. నీవు రక్తమునుగూర్చి చదువునపుడు, "సిగ్గు లేక అహంకారము" అని తలంచుము. నీవు ఏదోమీయుని గూర్చి తలంచునపుడు, మనుష్యుని అహంకారమును గూర్చి తలంచుము.

ప్రియమైన బిడ్డా, పతనమైన మనస్సునుండి మెస్సీయ మనస్సుకు నీ చైతన్య స్థాయిలో పురోగమించుటనుగూర్చినదే ఇదంతయు. ఈ రూపాంతరమునకు నిత్యము "నీ మనస్సు నూతనపరచుకొనుట" (రోమీయులకు 12:2) అవసరము, మరియు చివరకు నీ వ్యక్తిగత ఆలోచనల తొలగింపు అవసరము, అవి Yahweh శాసనములకు ఆజ్ఞలకు (మనస్సు నియమములకు/మనస్సు మాదిరులకు) కఠినమైన విధేయతకు దారియిచ్చునట్లుగా.

Yahshuaకు తన ఉద్దేశము తెలిసియుండెను; ఆయన తన స్వంత చిత్తమును తొలగింపవలసియుండెను. "తండ్రీ, ఇది నీ చిత్తమైతే, ఈ గిన్నెను నానుండి తొలగింపుము; అయితే నా చిత్తముకాదు నీ చిత్తమే జరుగునుగాక." (లూకా 22:42) తన స్వంత మార్గమును ఎన్నుకొనినచో, తన స్వంత మహిమను వెదకినచో, అది ఎల్లప్పుడూ తన తండ్రిని, చివరకు తననుకూడా సిగ్గుపరచుననే ఆయనకు తెలిసియుండెను. "నా బోధ నాది కాదు, నన్ను పంపినవానిదే. ఎవడైనను ఆయన చిత్తము చేయ దలచినచో, ఈ బోధ సర్వశక్తుని నుండి వచ్చినదో లేక నేను నా స్వంత అధికారమునుండి పలుకుచున్నానో వానికి తెలియును. తనంతట తానే పలుకువాడు తన స్వంత మహిమను వెదకును; అయితే తనను పంపినవాని మహిమను వెదకువాడు సత్యవంతుడు, ఆయనలో ఏ అనీతియు లేదు." (యోహాను 7:16-18)

ఇది చాలా సరళము; ఒక వైపు నీవు అహంకారమును ఎన్నుకొందువు, మరొక వైపు నీవు అహంకారమును చిందించుటను ఎన్నుకొందువు! "అయినను నా చిత్తముకాదు" అను ఈ మాదిరియే నీ స్వంత జీవితమునకు నీవు ఆధారము చేసికొనవలసినది కాదా? జ్ఞాపకముంచుకొనుము, నీవు గొప్ప వెలకు కొనబడితివి, నీవు ఇక నీ స్వంతము కాదు! (1 కొరింథీయులకు 6:19-20) "మరియు ధర్మశాస్త్రము చొప్పున దాదాపు సమస్తమును రక్తముచేతనే శుద్ధిచేయబడును, రక్తము [అహంకారము] చిందించకుండా పాపక్షమాపణ లేదు." (హెబ్రీయులకు 9:22)