వెనుక చూపు

మనము సాగుచుండగా, మనము ఎదుగుచున్నాము, మరియు మనమొక మార్గమును ఏర్పరచుకొనుచున్నాము. -మైకేల్ డేవిడ్ బెయిటర్ జూనియర్

నీవు ఒకప్పుడు నిలిచియున్న అంచు, నీ పరమ నిస్పృహయు Yahweh ఆదరణయు చేతులు కలిపిన ఆ అంచు, కేవలం "ఒక అంచు" మాత్రమేనని నీవు గ్రహించే సమయము వచ్చును, ఏలయనగా ఒక కొత్త అంచు వచ్చియున్నది. అది మరెన్నడూ అంత కఠినముగా ఉండదని నమ్ముతూ నీవు ఆ వేదనను సహించితివి. కాని అప్పుడు, అది మరల వచ్చినది, కొత్త పరిస్థితులతో, ఆ పాత బాధతో ఒక కొత్త అంచు. నీవు ఎదిగితివనీ, పరిపక్వుడవైతివనీ, లోతైన ఆధ్యాత్మిక అవగాహన పొందితివనీ నీవు తలంచితివి. కాని, ఒక్క క్షణములో, నీవు మరల నిస్సహాయుడవైతివి.

కృతజ్ఞతగా, నీవు ఆ మాదిరులను గుర్తించే క్షణంలో, నిజముగా అవి నీకు గల సమస్తము. నీవు ఈ కొత్త అంచుపై తూలుచుండగా మౌనముగా ఉండవలసిన అవసరాన్ని నీవు గ్రహిస్తావు. చివరి విరిగిన స్థానము నుండి నీకు కలిగిన పశ్చాత్తాపాల జ్ఞాపకాలతో నీవు పోరాడుతావు; "నేను దానిని మరల ఆలోచించదలచుకోను; తండ్రీ, నేను నీతో ఏమి చెప్పానో నాకు తెలుసు." నీవు తొందరపాటు చర్యలు చేయకూడదని, భావావేశపు తప్పులు చేయకూడదని నిర్ణయించుకుంటావు. నీవు జారిపోవుటకు వీలులేదు. "తండ్రీ, నన్ను పడనీయకుము," అని నీ నిశ్శబ్దములో మాటిమాటికి పలుకుతావు.

నీవు నీ గత విజయాలపై ధ్యానిస్తావు, జయించిన తరువాత నీవు ఎంత బలముగా భావించితివో జ్ఞాపకము చేసుకుంటావు. నీవు పొందిన బలము మరింత శాశ్వతమైనదిగా ఉండునని, కేవలం నీ అమ్ముల పొదిలో ఒక కొత్త బాణము మాత్రమే కాక ఒక కొత్త విల్లు అగుననీ నీవు ఏదోవిధముగా ఆశించితివి. కాని ఈ కొత్త సంక్షోభము గత విజయాలనుండి పొందిన జ్ఞానోదయాన్ని నిర్జించివేయునట్లు కనిపిస్తుంది. నీవు నిజముగా ఏదైనను నేర్చుకున్నావా అని నీవు సందేహిస్తావు. సందేహాలు ప్రవేశిస్తాయి; "నేను మూఢుడనా? నేను చెప్పుకొను ఈ విశ్వాసమేదైనను వాస్తవమా? తండ్రీ, నీవు వాస్తవమేనా; నీవు ఇక్కడ ఉన్నావా?" ఈ ఆలోచనలకు నీవు సిగ్గుపడుతావు, కాని వాటిని నీవు లెక్కించకుంటే, ఆ పాత మిత్రుడైన దుఃఖము త్వరలో మరల వచ్చును.

మనం జయించుటకు కలిగియున్న శక్తిని గూర్చి ఇంతమంది వ్యక్తపరచిన తరువాత ఇటువంటి ఒక భక్తిసందేశము ఎట్లు సాధ్యమగుచున్నది? జవాబు లోతుగా సరళమైనది, ఖచ్చితంగా ఆయన పరిశుద్ధతయే. ఈ కొత్త "మరణము" నుండి మనము పొందబోవు పరిశుద్ధత మనము నిలిచియున్న గత అంచునుండి మనము పొందినదానికన్న చాలా ఎక్కువయైనది. మరియు ప్రతి కొత్త అంచు ఆయనవైపు మార్గములో జ్ఞాపకార్థమైన ఒక తాజా రాయి, ఆయన వాగ్దానముల మరియు ఆయన నమ్మకత్వము యొక్క గుర్తు (యెహోషువ 4).

"అనగా నేను 'నొచ్చుకొననివాడనుగా' నిష్కల్మషమైన మనస్సు కలిగియుండ నేర్చుకున్నానని తలంచినపుడు కూడా, నీ ఉన్నత పిలుపు మరింత శుద్ధమైనదా? మరియు ఇదొక్కటే కాక, ఒకసారి నేను జయించితినని తలంచిన రంగములోనే నేను ఇప్పుడు విఫలమైనట్టు అనిపించునపుడు కూడా, ప్రతి అంచు నాలో అందమైన కొత్తదానిని సృష్టించునా? నేను ఇంతకుముందు నేర్చుకున్నదంతయు మరచిపోయినట్టు అనిపించినను?"

అది నిజమే, ప్రియమైన బిడ్డా. మరణము, మరణము, మరియొక మరణము ఆయన పరిశుద్ధతకు మార్గము. బలము యొక్క స్వరూపము: అది బలహీనతలో సంపూర్ణమగుచున్నది (2 కొరింథీయులకు 12:9).

మేము నిన్ను పరిశుద్ధమైన ప్రమాణమునకు కట్టుబెట్టియున్నాము. ఆ వెలుగునిచ్చు మాదిరులును, అవి నీలో పుట్టించినదియు స్ఫూర్తిదాయకమని మేమెరుగుదుము. "నేను దానిని చేయలేను!" అని నీవు మాత్రమే కేకవేయగలిగే స్థానానికి నీవు చేరుకొనునపుడు, అదే నీవు అత్యంత సురక్షితమైన, భద్రమైన, మహిమాన్వితమైన, రూపాంతరము చెందించే స్థానములో ఉన్నావని జ్ఞాపకము చేయుటకే ఈ వాక్యము. నీవు Yahweh అరచేతిలో ఉన్నావు - ఆయన పరిశుద్ధత యొక్క పరిశుద్ధ సారములో.

నీవు దానిని సాధించబోతున్నావు. ఆయన చెప్పుకొను ప్రతిదానికి ఆయన సరిపోతాడు. నీ మీద ఆధారపడిన మనస్సుగలవానిని నీవు పరిపూర్ణ సమాధానముతో కాపాడుదువు, ఏలయనగా వాడు నిన్ను నమ్ముకొనుచున్నాడు. (యెషయా 26:3)