యథార్థత

యథార్థత అనగా Yahweh మనస్సునుండి వెలువడు ఒక ఆలోచనకు మద్దతుగా నిలబడు ధైర్యము. కాని, "Yahweh మనస్సును ఎరిగినవాడెవడు…?" అని నీవు తలంచుచుందువేమో [సమాధానము] కాని మనకు మెస్సీయ మనస్సు కలదు. (1 కొరింథీయులకు 2:16)

నిస్సందేహముగా, ఆయన మనస్సును తెలిసికొనుటకు, నీవు మొదట ఆయన సన్నని మెల్లని స్వరమును వినగలవాడవై ఉండవలెను, మరియు ఇది కృషి లేకుండ రాదు. జ్ఞాపకముంచుకొనుము, ఇది: "సన్నని" [నిమ్మళించిన మనస్సుతోనే మాట్లాడునది] "మెల్లని" [నిన్ను కృషిచేయునట్లు చేయునది] "స్వరము" [నీలోనున్న Yahweh చిత్తము].

అన్ని విషయములలో యథార్థత కలిగియుండుట అనగా, అన్ని విషయములపై నీకు Yahweh మనస్సు ఉన్నదని చెప్పుటయే. ఆయన సూత్రములు గుర్తించదగిన మాదిరులలో మాటిమాటికి పునరావృతమగుటను గుర్తించుటయే ఇది. ప్రేమ, శాంతి, ఆనందముల వలెనే, యథార్థత అనే ఆలోచన ఆ సూత్రమును సృష్టించినవాని ద్వారానే, అన్ని ఆజ్ఞాపిత మాదిరులను సృష్టించినవాని ద్వారానే నిర్వచింపబడును. మన తండ్రి పరిపూర్ణతయైతే, యథార్థత ఆయనవైపు నడిపించు మాదిరిలోని ఒక భాగము. కావున, ఆయన సృష్టించిన వారి మనస్సునుండి వెలువడు ఏ ఆలోచనకైనను యథార్థత అంతర్భాగముగా ఉండి తీరవలెను.

నిత్యుడైన "నేనైయున్నవాడు" నుండి నిజముగా వెలువడు ఒక ఆలోచన ప్రతి ఒక్క సూత్రమును (ఆజ్ఞను) ఆ ఆలోచనలో చేర్చుకొనును. యథార్థత ఆలోచనను వెండిని ఏడుసార్లు శుద్ధిచేసినట్లు జల్లెడ పట్టి, సృష్టికర్త సూత్రములన్నిటికి అనుగుణముగా లేని ఆలోచనలోని ఏ భాగమైనను, అనగా ఆయన మనస్సును, వెల్లడిచేయుటకు మాత్రమే అలా చేయును. యథార్థత సమస్త మలినమును తొలగించి, తనకు వ్యతిరేకముగా ఏమివచ్చినను స్థిరముగా నిలబడును.

తనకు విస్తారమైన వ్యతిరేకతను ఎదుర్కొనవలసియున్నదని యథార్థతకు తెలియును, కావున అది శ్రమపడుటకు సిద్ధముగా ఉండును; కాని ఆ శ్రమలో నిలబడుటకు కూడ అది సిద్ధముగా ఉండును. పతనమైన లోకములో, సంపూర్ణ యథార్థతను సమర్థించు ఏ ప్రమాణమైనను అన్నివైపులనుండి దాడి చేయబడును. స్వాభావికుడైన మనుష్యుడు సర్వశక్తుని ఆత్మ సంబంధమైన సంగతులను అంగీకరింపడు, ఎందుకనగా అవి అతనికి వెఱ్ఱితనముగా ఉన్నవి; మరియు వాటిని అతడు ఎరుగనేరడు, ఎందుకనగా అవి ఆత్మసంబంధముగా వివేచింపదగినవి. (1 కొరింథీయులకు 2:14) నిస్సందేహముగా, యథార్థత తన సృష్టికర్త నిలిచియున్నంత నిశ్చయముగా నిలుచును; మరియు అది తన శత్రువులందరిని ఈ ఆత్మీయ ఆలోచనపై బీభత్సము సృష్టించునట్లు ప్రేరేపించును. ఎందుకనగా శరీరసంబంధమైన మనస్సు సర్వశక్తిమంతునికి విరోధమైనది; అది సర్వశక్తుని ధర్మశాస్త్రమునకు లోబడదు, నిజముగా లోబడనేరదు కూడ. (రోమీయులకు 8:7)

అదే సమయములో, యథార్థత నీ "స్వయము"లో ఇంకను పెల్లగించబడని ప్రతి భాగమును బయలుపరచును.

యథార్థత: Yahweh మనస్సునుండి వెలువడు ఒక ఆలోచనకు మద్దతుగా నిలబడు (దాని శ్రమను సహించు) ధైర్యము. ఇది Yahwehనుండి విభజింపబడక సంపూర్ణముగా ఉండు స్థితి. యథార్థత ఏకత్వము, పొందిక, సమన్వయము మరియు కూటమి. "యథార్థవంతుల నిజాయితీ వారిని నడిపించును, కాని విశ్వాసఘాతకుల వక్రత వారిని నాశనము చేయును." (సామెతలు 11:3)