ఇదంతయు ఒక పరీక్ష

తన ప్రజలను ద్వేషించునట్లు, తన సేవకులతో కుట్రచేయునట్లు ఆయన వారి హృదయమును త్రిప్పెను. (కీర్తనల గ్రంథము 105:25)

"ఇది కేవలము ఒక పరీక్ష! ఇది కేవలము ఒక పరీక్ష!" ఈ ప్రకటనను నేను నీకు ప్రతిదినము చేయవలెనా? ఇది పరీక్ష అని నేను నిన్ను నిరంతరము జ్ఞాపకము చేయవలెనా; లేక నన్ను నమ్మమని జ్ఞాపకము చేయుటయే మరింత ప్రభావవంతముగా ఉండునా?

అడుగువారందరికి నేను ధారాళముగా ఇత్తునని, కాని తమ హృదయములలో (మనసులలో) సందేహము గలవారికి ఇవ్వననియు నీకు తెలిసియున్నదా? "ఆహా?" శోధనలు, పరీక్షలు, జ్ఞానము అడుగుట, సందేహించుట, లేదా అంతకంటె మెరుగుగా, "సందేహించకపోవుట!" ఇది సరిగ్గా యాకోబు 1:2-8లా వినిపించుచున్నది. ఇదంతయు దేని కొరకు? నీవు పరిపూర్ణుడవు, సంపూర్ణుడవు, ఏ లోపము లేనివాడవు అగుటకే. నాకు బదులుగా వేరొక రకమైన తండ్రిని నీవు ఇష్టపడుదువా? నిన్ను మరింత బాగుగా సేవించు ఇంకొకరు ఉన్నారా? రక్షణ కొరకు మాత్రమే కాక, వృద్ధి కొరకు కూడ కాదా, బిడ్డా?

సౌలు నిన్ను జ్ఞాపకము చేసిన పరుగుపందెము ఖచ్చితముగా ఏమిటి? నా రాజ్యమేమిటి? అది చైతన్యములో పరిపూర్ణతయే అని నేను నీకు చెప్పుచున్నాను! ఆ పరుగు పరిపూర్ణత కొరకే, నా పరిపూర్ణ రాజ్యములోనికి పరుగే. కావున, ఇన్ని సాక్షుల మేఘము మనలను ఆవరించియుండగా, ప్రతి భారమును, సులభముగా చిక్కుపరచు పాపమును విడిచిపెట్టి, మనయెదుట ఉంచబడిన పందెములో ఓపికతో పరుగెత్తుదము. (హెబ్రీయులకు 12:1)

శ్రమ మొదటి సూచనలకే భయపడుచు, మా మీద నీకు గల గాఢమైన ప్రేమను ప్రకటించుట మానుము. శ్రమపడుటకు, లేదా దేనికైనను భయపడుచు, నీవు ఎట్లు పరిపూర్ణుడవు కాగలవు? ఇక్కడ ధ్యానించుటకు లోతైనది ఒకటి ఉన్నది; నా సదుపాయమును, రక్షణను సందేహించుచు నీవు ఎట్లు పరిపూర్ణుడవు కాగలవు?

నీవు సందేహించు ప్రతిసారి, "నిన్ను నేను నమ్మను!" అని నాకు చెప్పుచున్నావు. నీవు అపరాధభావమును, సిగ్గును మోయు ప్రతిసారి, "నీవు చిందించిన రక్తము దీనిని కప్పలేకపోయియుండునేమో!" అని నా కుమారునితో చెప్పుచున్నావు. ఆగుము, వినుము; ఆలోచింపుము!

నీ శత్రువులు కేవలము నిన్ను శిక్షణ ఇచ్చు పనిముట్లు మాత్రమే. నీ శ్రమయు, శిక్షయు. . .నిన్ను శిక్షణ ఇచ్చు పనిముట్లు. పరిపూర్ణతయే మాదిరి, మరియు పరీక్ష దాని పరిపూర్తిని నిశ్చయపరచును; పరిపూర్ణుడవు, సంపూర్ణుడవు, ఏ లోపము లేనివాడవు (యాకోబు 1:4).

నీవు నా మాదిరులను మార్చలేవు, ఎందుకనగా పరిపూర్ణతను దానికదే మరింత పరిపూర్ణము చేయుట ఎట్లు సాధ్యము? అవును ప్రియమైనవాడా, నా మాదిరులు ఇప్పటికే పరిపూర్ణమైనవి. ప్రతివిధముగా ఇప్పటికే స్వచ్ఛముగా ఉన్నదానికి ఏ మార్పు ఉండజాలదు. ప్రతి మంచి యీవియు సంపూర్ణమైన ప్రతి వరమును పైనుండి, జ్యోతిర్మయుడగు తండ్రియొద్దనుండి దిగివచ్చును; ఆయనయందు మార్పైనను గమనాగమనములవలన కలుగు ఛాయయైనను లేదు. (యాకోబు 1:17)

నేను శోధించుదునని నీకు చెప్పుచున్నాను, కాని నేను దుష్టత్వముచే శోధింపబడను, దుష్టత్వముతో శోధింపను. నేను ప్రత్యేకపరచబడిన (పరిశుద్ధమైన) శోధనను ఉపయోగింతును, అది ఆత్మీయ పరీక్ష తప్ప మరేమియు కాదు, తద్వారా నీవు నీ ఆత్మీయ కండరములను (ఆత్మీయ మూలధనమును) బలపరచుకొనగలవు. నా శోధన పనిముట్లు తరచుగా మనుష్యుల రూపములో వచ్చును, శత్రువులుగా మారువేషము వేసుకొని. మారువేషమని ఎందుకు చెప్పుచున్నాను? ఎందుకనగా నీ "శత్రువులను" నాకు వదలిపెట్టి, వారి ఆశీర్వాదము కొరకు ప్రార్థించమని నేను ఇప్పటికే ఆజ్ఞాపించియున్నాను. కావున, నాయందు "గమనాగమనములవలన కలుగు ఛాయ" లేకున్నచో, నీకు నిజముగా శత్రువులు ఎట్లు ఉండగలరు?

పరుగుపందెములో పరుగెత్తువారందరు పరుగెత్తుదురు గాని ఒక్కడే బహుమానము పొందుననియు మీకు తెలియదా? దానిని పొందునట్లు పరుగెత్తుడి. (1 కొరింథీయులకు 9:24)

"ఇది ఒక పరీక్ష! ఇది నీ అత్యవసర, ఆత్మను రక్షించు, ఆత్మీయ ప్రసార వ్యవస్థనుండి వచ్చు పరీక్ష!" గ్రహింపుము! సర్దుకొనుము! పట్టుకొనుము! ముందుకు సాగుము, పందెమును గెలువుము!