ఇంద్రియరహితం

మీ హృదయ కన్నులు [గ్రహింపు] వెలిగింపబడవలెనని నేను ప్రార్థించుచున్నాను… (ఎఫెసీయులకు 1:18)

వినడం, రుచి చూడటం, తాకడం, వాసన చూడటం, చూడటం…లేదా చూడకపోవడం! ఈ ఇంద్రియాల వాడకాన్ని నీవు కనిష్ఠీకరిస్తే నీ గ్రహింపులు ఎలా ఉంటాయి? వాటి అంతిమ పరిమితిని "దృష్టి" నుండి తప్పించుకోనీయకు. ఏ ఇంద్రియమైనా గొప్ప విశ్వాసాన్ని అందించగలదా? అది సాధ్యమే; అయితే, శరీరస్వభావం వాటిని ఎంత సులభంగా మార్చుకుంటుందో చూస్తే, అది చాలా అసంభవం.

నీ ఇంద్రియాలు గ్రహించేదానిని, వాటి పరిమితులను అంచనా వేయడానికి బహుశా మరింత సమతుల్యమైన దృక్పథం అవసరం కావచ్చు. నిశ్చయంగా, ఉన్నత గ్రహింపు (చైతన్యం) రంగాలలో ఈ ఇంద్రియాలు అవసరం కూడా లేవు.

నీవు ఆత్మలో పూర్తిగా అనుసంధానమైనప్పుడు, ఇది నీవు తినే జీవవృక్షం కాదా? ఈ అనుసంధానం, నీవు సహజంగా చూసే తప్పుదారి పట్టించే గ్రహింపులు కాక, అన్ని విషయాల నిజ స్వరూపమైన జ్ఞానానికి నిన్ను కలుపుతుంది కదా? ఇది అత్యున్నత శక్తి (ఫ్రీక్వెన్సీ) క్రమానికి అనుసంధానం. నీకు తెలిసినట్టు, నేను ప్రధాన శాస్త్రవేత్తను.

నీ ప్రాణమును పోగొట్టుకోవడం (మత్తయి 16:25), అనేకసార్లు, నీ ఇంద్రియాలు గ్రహించి, నీ శరీరస్వభావం వివేచించిన జీవితం, ఆత్మ గ్రహింపులను వదిలిపెట్టడం అని అర్థం. కనబడని వాటికి రుజువు విశ్వాసమే అయితే (హెబ్రీయులకు 11:1), భూమిమీద నీ ఇంద్రియాలు గ్రహించగల ప్రతిదానిపై నమ్మకం ఉంచడం మానెయ్యి. అవును నిజమే, నేను నిన్ను ఉంచిన మితిలో దారి తీయడానికి ఇంద్రియాలు గొప్ప సాధనం కావచ్చు; కానీ, ఈ ఇంద్రియాల పరిమితులు తెలుసుకోవడం జ్ఞానులకే సాధ్యం.

ఆత్మీయ గ్రహింపు (మెస్సీయ మనస్సు) అన్ని వేళలా అందుబాటులో ఉండే ఉనికిని నీవు ఊహించగలవా? నిత్యత్వమంతటా పరిపూర్ణమైన ప్రతిదాన్ని నీవు నిరంతరం అనుభవిస్తావు. ప్రతిదీ పరిపూర్ణ సామరస్యంతో ఉంటుంది.

ఈ విషయాల గురించి నాతో మాట్లాడు. నీ ఆత్మను నాకు తెరువు. నిశ్శబ్దంలో, ఇంద్రియాలన్నిటినీ వదిలిపెట్టి, నీ మనస్సుతో మాత్రమే విను.