నీ పూర్ణ హృదయము

నా బిడ్డా నాకు చెప్పు, నీ "పూర్ణ" హృదయముతో నన్ను వెదకమని నేను నీకు చెప్పినప్పుడు నా ఉద్దేశమేమని నీవు అనుకుంటున్నావు? నేను కేవలం నీ బలముతో నన్ను వెదకమని మాత్రమే అర్థమా? కేవలం నీ స్వంత బలముతో మాత్రమే నన్ను వెదకడం సమస్యలను ఆహ్వానిస్తుంది. "బలముచేతనైనను శక్తిచేతనైనను కాదు నా ఆత్మచేతనే" అని నేను నీకు చెప్పలేదా? (జెకర్యా 4:6)

నా ఆత్మనుండి వచ్చే శక్తితో వెదకుము. వెదకే భాగమే నిన్ను నాకు దగ్గరగా తీసుకువచ్చేది. పూర్ణ హృదయము (మనస్సు లేదా బుద్ధి కేంద్రము) అనగా వెదకుచుండగానే నా ఆజ్ఞలు మరీ మర్మమైనవి కావు, కష్టమైనవి కావు అని ఒప్పుకొను సున్నతి పొందిన హృదయము (ద్వితీయోపదేశకాండము 30:6, 11).

నీవు చేదుమనస్సుతో ఉంటూ పూర్ణ హృదయముతో వెదకగలవా? నీవు లోభివై ఉంటూ పూర్ణ హృదయముతో వెదకగలవా? నా వాక్యమును ఎన్నడూ చదవకుండా పూర్ణ హృదయముతో వెదకగలవా? నీవు విశ్వాసము లేకుండా ఇంకా పూర్ణ హృదయముతో వెదకగలవా?

నా వాక్యము బోధించునది, ముఖ్యంగా నా వాక్యముల విధానము సరిగా అనువర్తింపజేయుటవలననే పూర్ణత వస్తుంది. "మీరు ఎట్లు వినుచున్నారో సరిగా ఆలోచించుడి కావున మీరెట్లు వినుచున్నారో జాగ్రత్తపడుడి; ఎవడు కలిగియుండునో వానికి ఇంక ఎక్కువగా ఇయ్యబడును..." అని నేను నీకు చెప్పలేదా? (లూకా 8:18) విధేయతతో మాత్రమే పూర్ణత వస్తుంది. మొదటిస్థానంలో నీ హృదయము పూర్ణమగుటకు నీవు నా వాక్యము యొక్క సమస్త అంశములను అనువర్తింపజేయవలెను.

నేను వెదకబడాలనుకున్నట్లుగా నన్ను వెదకుము. ఆందోళన, భయం, బెరుకుదనము లేకుండా, వెనుకకు తగ్గకుండా వెదకుము (హెబ్రీయులకు 11:6). నేను తక్షణ పరిపూర్ణతను కోరుటలేదు, గాని నీవు నన్ను వెదకుచుండగా, నీవు పూర్ణమైన, భక్తిపూర్వకమైన రీతిలో అలా చేయాలని ఆజ్ఞాపిస్తున్నాను.

వినయముతో రమ్ము, నా ప్రేమను నేర్చుకొనుటకు సిద్ధపడి, నా చిత్తము నిన్ను అడగజేసినదానిని పొందుదునను నిరీక్షణతో రమ్ము. నేను ఉన్నట్టుగానే నన్ను చూచే పూర్ణ మనస్సుతో రమ్ము, "నీవు నన్ను ఇలా ఉండాలని కోరుకుంటావు" అనే వ్యక్తిగత ఇష్టానుసారము కాదు.

అవును, నేను అబ్బా తండ్రీని, మరియు నేను మొదట నిన్ను ప్రేమించితిని గనుక మాత్రమే నీవు నన్ను ప్రేమిస్తావు (1 యోహాను 4:19). దీనిని జ్ఞాపకముంచుకో; నేను నిన్ను అలా చేయనిచ్చినందుకు మాత్రమే నీవు నన్ను ప్రేమించగలవు. పరిపూర్ణమైన రీతిలో నన్ను వెదకుటలో ఇదే వినయపూర్వకమైన భాగము. "నీ ప్రేమవలననే, నీవు నాకు ప్రేమించే అనుమతి ఇచ్చుటవలననే నేను నిన్ను ప్రేమించగలను!" బిడ్డా, ఇది సంపూర్ణంగా సరైన మనోభావము, మరియు దీనిలో నీవు నన్ను కలుసుకొందువు, తద్వారా నిన్ను నీవే కనుగొందువు.