మేము నిన్ను నమ్మము

తండ్రి చిత్తమునకు అనుగుణము కాని ప్రతి తలంపును, ప్రతి కోరికను, ప్రతి క్రియను ఒక సాధారణ వాక్యములో సంక్షిప్తీకరింపవచ్చును. "Yahweh, నేను నిన్ను నమ్మను."

"ఇది ఎట్లు కాగలదు," అని నీవు అడుగుచున్నావా? అది నిజముగా ఒక పిల్లవాడు గ్రహించునంత సులభమే. సృష్టికర్త మార్గముకాక వేరొక మార్గములో నీవు వెళ్లుటకు నిర్ణయించుకొనిన ప్రతిసారి, నీ మార్గము ఆయన మార్గముకంటె మేలైనదని నీవు చెప్పుచున్నావు. ఇది చాలా ప్రమాదకరమైన ఒక దృష్టాంతమును నెలకొల్పి, నీవు అంతిమముగా నీ స్వంత చిత్తముకంటె ఆయన చిత్తమునకు ప్రాధాన్యత ఇయ్యవని నిర్వివాదముగా చెప్పుచున్నది. ఈ మనోభావము పైచేయి పొందినప్పుడు పాపమే ఎల్లప్పుడు తీర్పుగా వచ్చును; ఆయనయందు నీకున్న నమ్మకలేమిని రుజువుచేయు మనోభావమిది.

"నేను నీ కొరకు ఉద్దేశించిన పథకములు నాకు తెలియును," అని Yahweh చెప్పుచున్నాడు, "నిన్ను వర్ధిల్లజేయుటకే గాని కీడు చేయుటకు కావు, నీకు నిరీక్షణను భవిష్యత్తును ఇచ్చు పథకములు. (యిర్మీయా 29:11)

కాలములో ముందుకు వెళ్లి తండ్రి నీ కొరకు ఏర్పాటు చేసినదానిని నీవు చూడగలిగినయెడల, నిశ్చయముగా నీవు నీ స్వంత మార్గమును ఎన్నుకొనవు. ఆయన ప్రణాళికను మార్చుటకు నీవు ప్రయత్నింపవు. ప్రతి పాపము సరిగ్గా అదే చేయును. అది ఆయన నీ కొరకు ఏర్పాటు చేసిన శీఘ్రమైన, సమృద్ధిగల ఫలితమును మార్చును లేదా ఆలస్యము చేయును.

అవును, మెస్సీయ Yahshuaను వెంబడించువారికి కరుణయు కృపయు కలవు. అయినను, నీవు నలుబది సంవత్సరముల ప్రయాణమును ఎన్నుకొనవచ్చును లేదా నేరుగా వెళ్లి పదకొండు దినములలో చేరవచ్చును.

మారుమనస్సు పొందుము! తండ్రి చిత్తములో సంపూర్ణ నమ్మకము తప్ప మరిదేదైనను పాపభరితమైన విశ్వాసలేమియేయని గ్రహింపుము. పాపము ఎల్లప్పుడు నీ ప్రయాణమును పొడిగించి, నీవు ఎంతగానో కోరుకొను గమ్యమునకు నీ చేరికను ఆలస్యము చేయును.

ఆయన ముఖమును వెదకుటకు సమయము తీసికొనుము (మత్తయి 6:33), అప్పుడు ఆయన నీ జీవితము కొరకైన తన పరిపూర్ణ పథకమును ఎల్లప్పుడు బయలుపరచును. అవును, నీ గమ్యమును ఎట్లు చేరుకొనవలెనో ఖచ్చితముగా తెలియకయే విశ్వాసముతో నీవు నీ ప్రయాణమును ఆరంభింపవలసివచ్చునేమో. అయినను, మొదటి అడుగు వేయుటలో నీ విధేయతకు ప్రతిఫలము దొరుకును. నీతో అబద్ధమాడు మనుష్యునివలె ఆయన కాడు (సంఖ్యాకాండము 23:19).

ఆయన నిరీక్షణయు భవిష్యత్తుయే నీవు సృజింపబడిన ఉద్దేశ్యము. Yahweh వాటిని మొదట నీ హృదయమున (బుద్ధి కేంద్రమున) ఉంచెనని నీవు గుర్తించుటవలననే, ఆయన వాటిని నెరవేర్చునను నీ విశ్వాసమువలననే నీ జీవితపు కలలను చేరుకొను నీ సామర్థ్యము పరిమితమగును.

Yahwehయందు కూడ ఆనందించుము, అప్పుడు ఆయన నీ హృదయకోరికలను నీకు అనుగ్రహించును. (కీర్తన 37:4) ఆనందించుము; అవును, దీని అర్థము మృదువుగా లేదా సున్నితముగా ఉండుట, మరియొక మాటలో, Yahwehయెడల మృదువైన హృదయమును కలిగియుండుట. ఆయన ఆ కోరికలను అందులో ఉంచెను, నీ హృదయము మృదువైనప్పుడు (ఆయనయందు ఆనందించునప్పుడు), ఆయన వాటిని నెరవేర్చును. ఇదియే ఆయన పథకము; ఇది మారదు. మారగలది నీ హృదయము మాత్రమే.

నేను నీకు క్రొత్త హృదయమునిచ్చి, నీలో క్రొత్త ఆత్మను ఉంచెదను; నీలోనుండి రాతి హృదయమును తీసివేసి, మాంసపు హృదయమును నీకిచ్చెదను. (యెహెజ్కేలు 36:26)