ప్రేమ లక్షణాలు (6)

"ప్రేమ అమర్యాదగా నడుచుకొనదు!" (1 కొరింథీయులకు 13:5) ప్రేమ అమర్యాదగా ప్రవర్తించదు, కావున, Yahweh అమర్యాదగా ఉండడు!

ప్రియమైనవాడా, Yahweh రాజ్యంలో ప్రతిదీ విధానాలలో పునరావృతమవుతుంది, కావున, నీ జీవితంలో కూడా అలాగే. ఈ విధానాల ద్వారా మన మనస్సులు ఏం చెప్తున్నాయో, మన తలంపులు నిజంగా ఏం అర్థం ఇస్తున్నాయో మనం చాలా విషయాలు నిర్ధారించగలము. నీవు ఎవరిపైనైనా అమర్యాదకరమైన తలంపులు ఆలోచించే ధోరణి కలిగియుంటే, నీవు వారిని "ప్రేమించడం లేదు"! నీవు వేరుగా చెప్పుకుంటే, నీవో Yahwehనో అబద్ధికుడు. మనం ఇటీవల చూసినట్లుగా, "అబద్ధమాడుటకు Yahweh మానవుడు కాడు." (సంఖ్యాకాండము 23:19)

నీవు నిజంగా అమర్యాదకరమైన తలంపులు కలిగియుంటే, అవి నిజంగా ఏం చెప్తున్నాయి? ఇదే కదా విషయం మొత్తానికి మూలం? నీ అమర్యాద Yahwehతో ఏం చెప్తుంది? దీనిని అర్థం చేసుకుని దాని ముగింపు వరకు నడిచివెళ్ళడం నీకు మంచిది. "నీవు అమర్యాదకరమైన తలంపులు ఆలోచిస్తే, నిజంగా నీకు ఎవరితో సమస్య ఉంది?"

"ఆయన అభివృద్ధి చెందవలెను, నేను తగ్గిపోవలెను" (యోహాను 3:30) అనే ప్రకటనలో ఆత్మ ప్రబలం కానిస్తే, నీ అమర్యాదకరమైన తలంపులన్నీ, "మనస్సు సమస్యలన్నీ" Yahwehతోనే ఉన్నాయని నీవు ఎల్లప్పుడూ కనుగొంటావు. శరీరసంబంధమైన మనస్సు ఎల్లప్పుడూ Yahwehకు విరోధమే! (రోమీయులకు 8:7) ప్రియమైనవాడా, మోసపోకు; అమర్యాద శరీరసంబంధమైనదే!

నీ చైతన్య, ఉపచైతన్య మనస్సు యొక్క ప్రతి కోణానికి Yahwehయే సృష్టికర్త. నీ గురించి ఆయన నీకు చెప్పిన సత్యాన్ని ఒప్పుకోవడం సంపూర్ణ-మనస్తత్వానికి నీ మార్గంలో అత్యవసరమని దయచేసి అర్థం చేసుకో! మరియు సంపూర్ణ-మనస్తత్వమే పరిపూర్ణ ప్రేమకు నీ మార్గం.

ప్రేమ యొక్క ఈ ఆరవ స్తంభానికి చాలా పని అవసరం; ఎందుకంటే నీవు ప్రేమిస్తున్నానని చెప్పుకుంటూ, అమర్యాదకరమైన తలంపులు కలిగియుంటే, నీవు నీ శరీరసంబంధమైన అబద్ధాలలోనే మునిగియున్నావు. మరియు ఈ అబద్ధాలు అత్యంత చెడ్డవి, ఎందుకంటే నీవు నిన్ను నీవే మోసం చేసుకుంటున్నావు!

మీరు ఒకనినొకడు ప్రేమింపవలెనని క్రొత్త ఆజ్ఞ మీకిచ్చుచున్నాను; నేను మిమ్మును ప్రేమించిన ప్రకారము మీరును ఒకనినొకడు ప్రేమింపవలెను. మీరు ఒకనియెడల ఒకడు [నిత్యము] ప్రేమ కనుపరచుకొనినయెడల దీనిబట్టి మీరు నా శిష్యులని అందరును తెలిసికొందురు. (యోహాను 13:34-35)