సహజంగా ప్రేమించడం

అబ్బా, నీ మీద నా ప్రేమ సహజంగా మారాలని నేనెంతగా ఆరాటపడుతున్నానో. స్తుతిలో, ఆరాధనలో నా విధేయత నాకు శ్వాసలా, ఆక్సిజన్‌లా మారాలని నేను ఆశపడుతున్నాను. నా ప్రేమ నిరంతరాయంగా ఉండాలని, నేను చైతన్యంగా ఆలోచించనవసరం లేనిదిగా మారాలని ఆకలిగొంటున్నాను. మెలకువగా ఉన్నా, నిద్రలో ఉన్నా, అది అక్కడే ఉండాలి.

నిన్ను చూడలేకపోవడం వల్లనేనా మనం వెదుకుతున్న ఈ ప్రేమకు ఇంత ప్రయాసం అవసరమవుతున్నది? మనం నీ మార్గం కంటే మా స్వంత మార్గాన్ని ఎక్కువగా కోరుకోవడం వల్లనేనా? నీ కుమారుని మరణం మా హృదయాల్లో, ఆత్మల్లో మాకు స్పృశ్యంగా లేకపోవడం వల్లనేనా? నీవు ఉద్దేశపూర్వకంగా మా నుండి నిన్ను నీవు దాచుకుంటున్నావా? నీ కుమారుని కార్చిన రక్తం విశ్వసించే ప్రతివారికీ జీవాన్ని ఇచ్చినా, మేము ఈ వాస్తవాన్ని అలవాటుగా చూస్తున్నామా?

తండ్రీ, ఇది నాకు తెలుసు; ఇది నేను ఒప్పుకోవాలి: నీవు పలికే ప్రతి మాట సత్యమని, అది నా జీవితానికి వర్తిస్తుందని కేవలం విశ్వసించడానికి నేను వెచ్చించవలసిన సమయాన్ని బట్టి నేను దుఃఖిస్తున్నాను! మరియు నీ వాక్యం నిజంగా నన్ను ఉన్నత స్థలాలకు తీసుకువెళ్తుందని. తండ్రీ, ఈ స్థాయి విశ్వాసానికి దాటిపోవాలని నేను కోరుకుంటున్నాను. ఆరోగ్యకరమైన భయానికి, ఆరాధనకు, నమ్మకానికి, ప్రేమకు దారితీసే విధేయతను నేను కోరుకుంటున్నాను. తండ్రీ, నీ యెడల ఈ లక్షణాలన్నీ నేను పొందాలని, అవి శ్వాసంత సహజంగా ఉండాలని నా ప్రార్థన.

అబ్బా, నాకు మరో ఒప్పుకోలు ఉంది. నిన్ను కనుగొనడానికి ఇంత వెదకిన తర్వాత, ఇంత ప్రయాసపడిన తర్వాత, నేను ఆశ్చర్యపోతున్నాను; నేను నిన్ను దాటి చూశానా? నేను చాలా ప్రయాసపడుతూ, తగినంతగా విశ్రాంతి తీసుకోవడం లేదా? తండ్రీ, నీ ప్రేమను పొందడం నాకు తెలుసా? చైతన్యస్థాయికి మించిన కారణాల వల్ల, నీ ప్రేమను అంగీకరించడానికి నేను ఇష్టపడడం లేదా?

నా ఒప్పుకోలు ఇది; తండ్రీ, ఈ ప్రశ్నలకు సమాధానం నాకు తెలియదు. నేను నా ఉనికిని నీతో ఎందుకు నింపలేకపోతున్నానో నాకు తెలియదు. కొన్నిసార్లు నీవు నా నుండి దాక్కుంటున్నావా అని నేను ఆశ్చర్యపోతాను. దొంగ దాక్కునే విధంగా కాదు, కానీ దూకి, "నేనిక్కడ ఉన్నాను. నేను నిజమైనవాడిని. నీ కోసం నేను నిజంగా ఇక్కడ ఉన్నాను," అని కేకవేయాలని ఎదురుచూసే తండ్రిలా.

తండ్రీ, నేను దాన్ని కోరుకుంటున్నాను. నేను పొరపాటులో ఉంటే, నన్ను సరిదిద్దు, తద్వారా నిన్ను కనుగొనగలను. నీకు నేను తెలుసు; నేను నీకు ఎందుకు మొరపెడుతున్నానో నీకు తెలుసు. నేను ఆందోళన చెందితే, అది నీకోసమే. నేను నిద్ర పోగొట్టుకుంటే, అది నేను నిన్ను గురించి ఆలోచిస్తున్నందుకే.

బహుశా, నేను నిన్ను ఇది అడగవచ్చా; మనకు మన స్వంత ప్రత్యేక భాష ఉండగలదా, దానిలో నేను నిన్ను వినగలిగి, నీతో సంభాషించగలిగే భాష? నీ వాక్యం ఇలా చెప్తున్నదని నాకు తెలుసు, "నా గొఱ్ఱెలు నా స్వరము వినును, నేను వాటిని ఎరుగుదును, అవి నన్ను వెంబడించును." (యోహాను 10:27) సందేహం లేకుండా, అన్ని పునరాలోచనలు శాశ్వతంగా తొలగిపోయి, నేను నీతో సంభాషించగలనని దీని అర్థమని నమ్మడానికి నాకు సహాయం చెయ్యి. అది సన్నిహితంగా, శక్తివంతంగా, సురక్షితంగా ఉండనీ? అది నా శ్వాసలా ఉండనీ?

తండ్రీ, నేను దానిని కోరుకుంటాను. ఈ విన్నపాన్ని నీ పాదాల వద్ద వదిలివేస్తున్నాను. ఆమేన్.

ప్రేమలేనివాడు సర్వశక్తిమంతుని ఎరుగడు; సర్వశక్తిమంతుడు ప్రేమాస్వరూపి గనుక. (1 యోహాను 4:8)