ఎంపికలు లేవు

ఒక్క ఎంపిక మాత్రమే! నీకు ఉన్నదంతా అదే. మరే ఇతర ఎంపికలు లేకపోవుటయే స్వాతంత్ర్యము. నీ కొరకు నాకు ఉన్న నిజమైన స్వాతంత్ర్యము ఇదే కాదా? నీకు ఒకే ఒక ఎంపిక ఉన్నది, అది నా ఆజ్ఞలకు లోబడుటయే!

నీవు నన్ను ఎంత త్వరగా పరీక్షించుచున్నావు. నీ తలంపులు నాకు వినిపించుచున్నవి. "నీ చిత్తము చేయకూడదని నేను ఎన్నుకొంటే, అప్పుడు నేను కేవలము నా స్వంత ఎంపికలు చేసికొనవచ్చును కదా?" అది హాస్యాస్పదముగా వినిపించుచున్నది, కదా? అయితే, నీవు ఎన్నడూ అట్లు తలంచవు కదా?

అవును, నా బిడ్డా, ప్రతిదినము; ప్రతిదినము నీవు నాతో దీనిని చెప్పుచున్నావు. నీ అవిధేయతయే దానంతటిని చెప్పుచున్నది. నా కుమారుని మరణము దానిని చెప్పుచున్నది. చిందించబడిన రక్తము దేని కొరకని నీవు తలంచుచున్నావు?

నేను నీకిచ్చిన లేఖనములో ఖాళీలను నింపుము. నీవు సిద్ధముగా ఉన్నావా? "మీరు విధేయులుగా ఒకనికి మిమ్మును [____________] గా అప్పగించుకొనునప్పుడు, మీరు లోబడు వానికి [____________] అని మీకు తెలియదా—మరణమునకు నడిపించు పాపమునకు [____________] గా అయినను, లేక నీతికి నడిపించు విధేయతకు [____________] గా అయినను?" (రోమీయులకు 6:16)

అవును, దాసులు, దాసులు, దాసులు, దాసులు! దీనిని బిగ్గరగా నాతో చదువుము. ఖాళీలను నింపి దీనిని మాటిమాటికి చదువుము. నేను నిన్ను ఎరిగినందుకును నిన్ను సృష్టించినందుకును, ఈ ఓదార్పును నేను అందించుచున్నాను.

నా దాసులు స్వతంత్రులు! నా దాసులు ప్రేమించుదురు! నా దాసులు నిరీక్షించుదురు! నా దాసులు వృద్ధిచెందుదురు! నా దాసులు తమ యజమానిని తమ సర్వస్వముతో ఆరాధించుటను నేర్చుకొందురు! నా దాసులు స్వాతంత్ర్యమనగా నిజముగా ఏమో నేర్చుకొందురు!

నీవు వచ్చి నానుండి నేర్చుకొనవా? నీవు నా దాసుడవగవా?