నాకు తగినవాడు

తండ్రినైనను తల్లినైనను నా కంటె ఎక్కువగా ప్రేమించువాడు [మరియు వారియందు ఎక్కువ సంతోషము పొందువాడు] నాకు తగినవాడు కాడు. కుమారునినైనను కుమార్తెనైనను నా కంటె ఎక్కువగా ప్రేమించువాడు [మరియు వారియందు ఎక్కువ సంతోషము పొందువాడు] నాకు తగినవాడు కాడు. మరియు తన కొయ్యను ఎత్తికొని నన్ను వెంబడించనివాడు నాకు తగినవాడు కాడు. తన ప్రాణమును కనుగొనువాడు దానిని పోగొట్టుకొనును, నా నిమిత్తము తన ప్రాణమును పోగొట్టుకొనువాడు దానిని కనుగొనును. (మత్తయి 10:37-39)

నీవు దాతను కంటె బహుమానమునే "ప్రేమిస్తున్నావా"? కుటుంబమను భావననే కాదు, నీ కుటుంబమునే సృష్టించిన వానికంటే నీ కుటుంబమునందే ఎక్కువ సంతోషము పొందుచున్నావా? "కుటుంబము ఒక భావనయా?" అని నీవు ప్రశ్నించుచున్నావు. అవును, అది భూమిమీద పరలోకమందు వలెనే ఉన్న ఒక విధానము (మత్తయి 6:10). కుటుంబము నా పరలోక రాజ్యమునకు, నా పరలోక కుటుంబమునకు ఒక నీడగా సృష్టించబడినది.

అట్లయితే నీ కొరకు నేను సృష్టించిన కుటుంబమును నా కంటె ఎట్లు ఎక్కువగా కోరుకొందువు? నీ మొదటి మూడు కారణములను నేను బయటపెట్టనా? వారిని నా కంటే పైన ఉంచుటకు నీ నిర్ణయములు, అవి తెలియకయే జరిగినను, నేను అర్థము చేసికొననని కాదు. నీ హృదయము నాకు తెలియును; అదికూడా నా సృష్టియే.

మూడు: వారిని ప్రేమించుటయే నన్ను ప్రేమించుట అని నీవు వాదిస్తావు.
రెండు: నా తండ్రి తల్లి నన్ను సరిగా ప్రేమించలేదు, కాబట్టి నేను సరిగా చేయాలని ప్రతిజ్ఞ చేసుకున్నాను.
ఒకటి: మనము వారిని తాకగలము, పట్టుకొనగలము, అనుభూతి చెందగలము, చూడగలము.

నన్ను, నా స్వభావమును, నా గుణమును తెలిసికొనుటకు నీవు నన్ను తెలిసికొనగలవని ప్రేమను కూడా నేనే సృష్టించితిని (1 కొరింథీయులకు 13). నీవు "ప్రేమలో" ఉంటే, నీవు నాయందు ఉన్నావు. నేనే ప్రేమ. నీవు నాయందుంటే, నీవు "పొరపాటులో" లేవు. నా కంటే కుటుంబమును ఎన్నుకొనుటయే పొరపాటు.

నీవు నాతో ప్రేమతో సరిగా అనుసంధానమైన తరువాతనే, నీవు ఇతరులను సరిగా ప్రేమించగలవు. మరల చెప్పుచున్నాను, నీవు నా బయట ప్రేమింపలేవు. నేనే ప్రేమ. నేను ప్రేమనుండి వేరుచేయబడలేను. ప్రేమయంతయు నాయందున్నది. ప్రేమను నేనే నిర్వచించుచున్నాను; నీ ప్రేమ భావములు ఏవియు నా బయట సరైనవి కావు.

నీ సమస్యను పరిష్కరించుటకు నా మూడు ఉత్తమ మార్గములు ఇక్కడ ఉన్నాయి.
ఒకటి: మారుమనస్సు పొందుము!
రెండు: మొదట నీ హృదయమును (మనస్సును) నాకు తెరువుము.
మూడు: ప్రేమించుటను నేర్చుకొనుటకు నాతో సమయము గడుపుము.

శీఘ్రముగా, నా బిడ్డా, నా ప్రేమనుబట్టి నీవు నాకు మరియు నేనందించు ప్రేమయంతటికిని తగినవాడవని నీవు గ్రహించెదవు. నేను నీయందు ప్రేమలో ఉన్నాను.