నీ సువాసన

ఒకనికి మేము మరణపు వాసనయైయున్నాము; మరియొకనికి జీవపు సువాసనయైయున్నాము. మరి దీనికి ఎవడు సమర్థుడు? (2 కొరింథీయులకు 2:16)

నా బిడ్డా, నిన్ను సిద్ధపరచడానికి నేను ఈ సంగతులు నీకు చెబుతున్నాను. అనేకమందికి నీవు మరణపు దుర్వాసన మోసుకువెళతావని నేను నీకు గుర్తుచేస్తున్నాను. జీవానికి నడిపించు మార్గము ఇరుకైనది, దానిని కనుగొనువారు కొందరే (మత్తయి 7:14).

అవును, మృగము వెంబడి, అహం యొక్క వాంఛల వెంబడి అనేకులు నడుస్తారని నా మాటలు నీకు తెలియజేస్తున్నాయి (ప్రకటన గ్రంథము 13:3). జీవాన్ని ముందుకు తీసుకురావడానికి నీ దృఢసంకల్పాన్ని బలపరచుకో. సరైన దృక్పథంతో అలా చెయ్యి. విశ్వాస హృదయంతో అందరికీ పరిచర్య చెయ్యి, కానీ అలసిపోకు. నీవు తెచ్చే జీవాన్ని (ఆత్మీయ చైతన్యాన్ని) చాలా కొద్దిమంది మాత్రమే స్వీకరిస్తారని ఎదురుచూడు.

నా సేవకుడైన యిర్మీయాను తలంచుకో; "అయితే నేను వధకు తేబడు సాధువగు గొఱ్ఱెపిల్లవలె ఉంటిని; వారు నా మీద కుట్రలు కల్పించుకొనుచున్నారని నేను ఎరుగనైతిని; వారు అనుకున్నదేమనగా, 'మనము ఫలముతోకూడ ఆ వృక్షమును నశింపజేసి బ్రదికినవారి భూమిలోనుండి వానిని కొట్టివేయుదము, వాని పేరు ఇక ఎన్నడును జ్ఞాపకము చేయబడకుండునట్లు చేయుదము.'" (యిర్మీయా 11:19)

నా కుమారుని మాటలను జ్ఞాపకము చేసుకో. "తండ్రి నాకిచ్చినవారిలో ఒక్కడైనను నేను పోగొట్టుకొనలేదు." (యోహాను 18:9) నా బిడ్డా, నిశ్చయత కలిగియుండు; నేను పిలిచినవారిలో ఎవరైనా నా రాజ్యములో లేకపోవుట జరుగదు.

ప్రవచించుము, పరిచర్య చేయుము, మరియు అన్ని వేళలా ప్రేమతో నడువుము; నేను నా భాగం చేసి, నీ మెస్సీయ ప్రేమతో తిరస్కారాన్ని అంగీకరించుటకు నీకు సహాయం చేస్తాను (లూకా 6:35; 1 థెస్సలొనీకయులకు 3:12), ఎన్నడును విడిచిపోని ప్రేమతో (1 కొరింథీయులకు 13:8)!