Прыняцце

Тады жонка яго сказала яму: «Ці трымаешся ты яшчэ сваёй беззаганнасці? Пракляні Усемагутнага і памры!» Але ён сказаў ёй: «Ты гаворыш, як гаворыць адна з неразумных жанчын. Няўжо мы будзем прымаць ад Yahweh толькі добрае, а благога ня будзем прымаць?» У-ва ўсім гэтым Ёў не саграшыў сваімі вуснамі. (Ёў 2:9-10)

«Каго ж Ён навучыць веданню? І каму патлумачыць пасланне? Ці тых, хто толькі што адлучаны ад малака? Ці тых, хто толькі што адняты ад грудзей?» (Ісая 28:9)

Мае сталыя разумеюць. Ёў разумеў. У Маім жаданні твайго росту, Мне трэба перавесці цябе ад харчавання малаком немаўлят да больш сталай веры.

Бо кожны, хто спажывае толькі малако, недасведчаны ў слове праведнасці, бо ён немаўля. А цвёрдая ежа належыць сталым, тым, хто дзякуючы навыку мае пачуцці, прывучаныя адрозніваць і добрае, і благое. (Да Габрэяў 5:13-14)

Я — Yahweh; Я жадаю, каб ты мог «адрозніваць і добрае, і благое». Аднак справа не толькі ў тым, што табе трэба адрозніваць добрае ад благога; як сталы веруючы, ты павінен таксама прызнаваць, што Я — аўтар і добрага, і благога.

Я ўжо чую тваю рэфлекторную рэакцыю; яна распаўсюджаная ў тваіх гутарках і навучаннях. «Бог ніколі не дазволіў бы злу увайсці ў наша жыццё; гэта — уладанне Д'ябла». Паразважай над гэтым хвіліну… потым падумай пра гэта; калі Я — Той, хто дазваляе зло супраціўніка, каб выпрабаваць цябе, дык хто тады Уладар над тваім выпрабаваннем? І ты таксама павінен вырашыць, ці выпрабаванне ідзе знутры цябе, ці ад нейкай знешняй сілы.

Не бойцеся тых, хто забівае цела, але ня можа забіць душу. А больш бойцеся Таго, хто можа знішчыць і душу, і цела ў пекле. Ці ня прадаюцца два вераб'і за адну медную манету? І ні адзін з іх не ўпадзе на зямлю без волі вашага Айца. (Мацвея 10:28-29)

Каго баяцца? Супраціўніка? Ці Мяне, Yahweh? Твой двудушны розум хоча сказаць табе, што «усёлюбячы Творца» не дазволіў бы такога. Здымі луску; бо менавіта так Я і дзейнічаю.

Тваё няправільнае успрыманне кажа табе, што гэта «дрэнна», калі здараюцца пакутлівыя рэчы. Я кажу табе адваротнае: выпрабаванні прызначаныя табе на карысць. Калі гэта цяжка прыняць, дык таму, што ў цябе няправільная перспэктыва, дзіця Маё. Ты паверыў у чалавечую тэалогію, што «любячы Творца не рабіў бы такіх рэчаў». Глупства, я кажу, глупства. Менавіта таму, што Я люблю цябе, выпрабаванні будуць працягвацца.

Ты радуешся, што Я запланаваў ахвяру Майго Сына, каб адкупіць твае грахі. Аднак табе цяжка прыняць, што Я аркеструю тваё выпрабаванне, тваю «ахвяру». Дазволь Мне нагадаць табе: «Слуга не большы за свайго гаспадара. Калі Мяне гналі, будуць гнаць і вас…» (Ян 15:20)

Лепш скажы: «Yahweh ведае, што мне трэба, каб быць укарэлены ў вобраз Месіі, бо толькі Ён усёведны». Гэта была б правільная перспэктыва.

Гэта Мая глыбокая любоў да цябе, улюбёны, з-за якой Я буду паўтараць гэты ўзор зноў і зноў. Мэта — дасканаласць, падобнасць да Месіі. Ці прызнаеш ты, што яшчэ болей «цябе» трэба выдаліць, каб дасягнуць гэтай мэты? Ці, можа, ты больш падобны на сучаснага фарысэя, які лічыць сябе значна больш духоўным, чым ён насамрэч ёсць, але ў тваім выпадку — «па ласцы», зразумела? Хто ты, дзіця Маё?

Я ствараю святло і ствараю цемру: Я ствараю мір і ствараю зло [бяду, гора, непакой, катастрофу]: Я, Yahweh, раблю ўсё гэта. (Ісая 45:7) Прымі гэта і будзь у супакоі не толькі з гэтым, але і дзякуючы яму!